CJP on INDIA Bloc Rally: ମମତାଙ୍କୁ ଭେଟିଲେ Abhijeet Dipke, ତଥାପି INDIA ମେଣ୍ଟର ରାଲିରେ ସାମିଲ ହେବନି Cockroach Janta Party

ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

ଦିଲ୍ଲୀରେ Trinamool Congress ମୁଖ୍ୟ Mamata Banerjeeଙ୍କୁ ଭେଟିଛନ୍ତି Cockroach Janta Party (CJP)ର ପ୍ରତିଷ୍ଠାତା Abhijeet Dipke। ଶନିବାର ହୋଇଥିବା ଏହି ସାକ୍ଷାତ୍‌ରେ ଯୁବପିଢ଼ିଙ୍କ ଆନ୍ଦୋଳନକୁ ସମର୍ଥନ ଦେଇଥିବାରୁ ସେ ମମତାଙ୍କୁ ଧନ୍ୟବାଦ ଜଣାଇଥିଲେ। NEET ପ୍ରଶ୍ନପତ୍ର ଲିକ୍‌ ଘଟଣାକୁ ନେଇ CJP ପକ୍ଷରୁ Jantar Mantarରେ କରାଯାଇଥିବା ପ୍ରଥମ ଆନ୍ଦୋଳନ ସମୟରେ ମମତା ସମର୍ଥନ ଦେଇଥିଲେ। ଏହା ସହ CJP ନେତା Saurav Das ଓ Ashutosh Rankaଙ୍କୁ ଦିଲ୍ଲୀ ପୋଲିସ ଗିରଫ କରିଥିବା ବେଳେ ମଧ୍ୟ ସେ ଯୁବ ଆନ୍ଦୋଳନ ସହ ଠିଆ ହୋଇଥିବା Dipke କହିଛନ୍ତି।

ତେବେ ରବିବାର Ramlila Maidanରେ ହେବାକୁ ଥିବା INDIA Blocର ‘Vote Chori’ ବିରୋଧୀ ରାଲିରେ CJP ଯୋଗ ଦେବନାହିଁ ବୋଲି Dipke ସ୍ପଷ୍ଟ କରିଛନ୍ତି। ନିର୍ବାଚନୀ ଅନିୟମିତତା ବିରୋଧରେ ହେଉଥିବା ଆନ୍ଦୋଳନକୁ ଦଳ ସମର୍ଥନ କରୁଥିଲେ ମଧ୍ୟ ଏକ ସ୍ୱାଧୀନ ଓ ନିରପେକ୍ଷ ସଂଗଠନ ଭାବେ ନିଜର ପରିଚୟ ବଜାୟ ରଖିବାକୁ ଚାହୁଁଥିବା ସେ କହିଛନ୍ତି। ରାଜନୈତିକ ଦଳର ପରିଚୟ ନିର୍ବିଶେଷରେ ଯେଉଁ ସଂଗଠନ ଭୋଟ ଚୋରି ବିରୋଧରେ ଲଢ଼ିବ, ତାକୁ CJP ସମର୍ଥନ କରିବ ବୋଲି Dipke କହିଛନ୍ତି।