Rajasthan IAS-IPS Couple Corruption Probe: ₹6.16 କୋଟିରେ 40 Villas କିଣି ବର୍ଷକୁ ₹1.8 କୋଟି ଭଡ଼ା ଆୟ! ଯାଞ୍ଚ ପରିସରରେ ଅଧିକାରୀ ଦମ୍ପତି
ରାଜସ୍ଥାନର ଜଣେ IAS-IPS ଅଧିକାରୀ ଦମ୍ପତିଙ୍କ ବିରୋଧରେ ଦୁର୍ନୀତି ଅଭିଯୋଗକୁ ନେଇ ତଦନ୍ତ ଆରମ୍ଭ ହୋଇଛି। ପୂର୍ବତନ Additional Chief Secretary ଶିଖର ଅଗ୍ରୱାଲ ଏବଂ ତାଙ୍କ ପତ୍ନୀ, ବରିଷ୍ଠ IPS ଅଧିକାରୀ ପ୍ରଶାଖା ମାଥୁରଙ୍କୁ ରାଜ୍ୟ ସରକାର Awaiting Posting Orders (APO)ରେ ରଖିଛନ୍ତି। ଅଭିଯୋଗ ଅନୁଯାୟୀ, ଅଢ଼େଇ ବର୍ଷ ମଧ୍ୟରେ ଅଗ୍ରୱାଲ ଓ ତାଙ୍କ ପରିବାର Ananta Resortsର ଦୁଇଟି ପ୍ରକଳ୍ପରୁ ୪୦ଟି ଭିଲା ଓ କଟେଜ୍କୁ ମୋଟ ୬.୧୬ କୋଟି ଟଙ୍କାରେ କିଣିଥିଲେ। ପରେ ସେହି ସମ୍ପତ୍ତିଗୁଡ଼ିକୁ ବିକ୍ରି କରିଥିବା କମ୍ପାନୀକୁ ପୁଣି ଭଡ଼ାରେ ଦିଆଯାଇଥିଲା। ଏଥିରୁ ବାର୍ଷିକ ପ୍ରାୟ ୧.୮ କୋଟି ଟଙ୍କା ଭଡ଼ା ଆୟ ହେଉଥିବା ରିପୋର୍ଟରେ ଦାବି କରାଯାଇଛି।
ଏହି ମାମଲାରେ ରାଜସ୍ଥାନର Anti-Corruption Bureau (ACB) ତଦନ୍ତ କରୁଛି। ଅକ୍ଟୋବର ୩୦ରେ ଜାରି ବିବୃତିରେ ACB କହିଛି ଯେ ପ୍ରାଥମିକ ତଦନ୍ତରୁ ଶିଖର ଅଗ୍ରୱାଲ ଓ Ananta ବ୍ରାଣ୍ଡ୍ର ରିସର୍ଟ ପରିଚାଳନା କରୁଥିବା Goyal Fashions Private Limitedର ନିର୍ଦ୍ଦେଶକମାନଙ୍କ ମଧ୍ୟରେ ମିଳିମିଶି ଅନୁଚିତ ଫାଇଦା ଦେବାର ପ୍ରାଥମିକ ପ୍ରମାଣ ମିଳିଛି। କମ୍ପାନୀକୁ ଅନୁଚିତ ଲାଭ ପହଞ୍ଚାଇବା ଏବଂ ରାଜ୍ୟର ଆର୍ଥିକ କ୍ଷତି କରିବା ଅଭିଯୋଗରେ ବିସ୍ତୃତ ତଦନ୍ତ ପାଇଁ ACBକୁ ସରକାରୀ ଅନୁମତି ମିଳିଛି। ଅଧିକାରୀ ନିଜ ପଦବୀର ଅପବ୍ୟବହାର କରିଥିଲେ କି ନାହିଁ ଏବଂ ସମ୍ପତ୍ତିଗୁଡ଼ିକ ବଜାର ମୂଲ୍ୟଠାରୁ କମ୍ ଦରରେ କିଣାଯାଇଥିଲା କି ନାହିଁ, ତାହା ଏବେ ତଦନ୍ତର ମୁଖ୍ୟ ପ୍ରସଙ୍ଗ।
