ବନ୍ୟାରେ ଭାଙ୍ଗିଲା ଶୈବପୀଠ ର ସୁରକ୍ଷା ପାଚେରୀ
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଖଣ୍ଡହତା ପଞ୍ଚାୟତ ଅନ୍ତର୍ଗତ ସୁନାରୀବେନୀ ସ୍ଥିତ ବାବା ସପ୍ନଶ୍ଵର ଶୈବପୀଠର ସୁରକ୍ଷା ପାଚେରୀ ବନ୍ୟାରେ ଭୁଷୁଡି ପଡ଼ିଥିବା ଦେଖିବାକୁ ମିଳିଛି । ଗତ ଲଗାଣ ବର୍ଷା ଯୋଗୁଁ ସୁରୁବାଲି ଯୋରରେ ବନ୍ୟା ପାଣି ମାଡି ଆସିଥିଲା । ଫଲରେ ଉକ୍ତ ମନ୍ଦିର ସୁରକ୍ଷା ପାଇଁ ନିର୍ମାଣ ହୋଇଥିବା ସୁରକ୍ଷା ବାଡ ଭୁଷୁଡି ପଡ଼ିଥିଲା । ଏହି ଶୈବପୀଠ ଯୋର ଖଣ୍ଡିରେ ଥିବା ବେଳେ ପାଖରେ ଥିବା ରୋଷେଇ ଗୃହ , ଭୋଗ ମଣ୍ଡପ ଓ ମନ୍ଦିର ପରିସର ବର୍ତ୍ତମାନ ବିପଦରେ ରହିଛି । ଉକ୍ତ ଶୈବପୀଠ ଟି ବୀରମହାରାଜପୁର ରେ ଥିବା ପ୍ରାଚୀନ ଶୈବପୀଠ ମଧ୍ୟରୁ ଅନ୍ୟତମ । ଭାଙ୍ଗି ଯାଇଥିବା ସୁରକ୍ଷା ବାଡର ପୁନଃ ନିର୍ମାଣ କରିବାକୁ ସାଧାରଣରେ ଦାବି ହେଉଛି ।
