ସିମାଞ୍ଚଳ ସାହୁ

18/08/2023 at 7:28 PM

ଗୁଣୁପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ପଦ୍ମପୁର ବ୍ଲକରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ବିଜୁ ଜନତା ଦଳ ତରଫରୁ ଦଳର ଜିଲ୍ଲାସଭାପତି ତଥା ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ଉପୋଦେଷ୍ଟା ସୁଧିର ଦାସ, ଗୁଣୁପୁର ବିଧାୟକ ରଘୁନାଥ ଗମାଙ୍ଗଙ୍କ ନେତୃତ୍ବରେ ଏକ ମିଶ୍ରଣ ପର୍ବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ପଦ୍ମପୁର ବ୍ଲକର ବରିଷ୍ଟ କଂଗ୍ରେସ ନେତା ଶ୍ରୀ ଦେବାନନ୍ଦ ପଣ୍ଡା ଓ ବିଜୟ ଖାଡାଙ୍ଗା କଂଗ୍ରେସ ଦଳକୁ ପରିତ୍ୟଗ କରି ବିଜୁ ଜନତା ଦଳରେ ସାମିଲ ହୋଇଛନ୍ତି। ଏହି ମିଶ୍ରଣ ପର୍ବରେ ଆଦିବାସୀ କଲ୍ୟାଣ ଓ ଆଇନ ମନ୍ତ୍ରୀ ଶ୍ରୀ ଜଗନ୍ନାଥ ସାରକା,ରାୟଗଡା ବିଧାୟକ ଶ୍ରୀ ମକରନ୍ଦ ମୁଦୁଲି, ଜିଲ୍ଲା ବିଜୁ ଜନତା ଦଳର ବରିଷ୍ଠ ନେତା ଶ୍ରୀ ଗଗନ ଆଚାର୍ଯ୍ୟ, ଜିଲ୍ଲା ବିଜୁ ଜନତା ଦଳର ଛାତ୍ର ସଭାପତି ଶ୍ରୀ ବିଷ୍ଣୁ ପ୍ରସାଦ ପଣ୍ଡା, ଜିଲ୍ଲା ବିଜୁ ଜନତା ଦଳର ସାଧାରଣ ସଂପାଦକ ଶ୍ରୀ ଦୁର୍ଗା ପ୍ରସାଦ ସାହୁ ପ୍ରମୁଖ ଯୋଗ ଦେଇ ନୂତନ ଭାବେ ଯୋଗ ଦେବାକୁ ଆସିଥିବା ଦୁଇ ନେତାଙ୍କୁ ଉପଢୌକନ ଦେଇ ସ୍ବାଗତ କରିଥିଲେ । ଆସନ୍ତା ସାଧାରଣ ନିର୍ବାଚନରେ ବିଜୁଜନତା ଦଲପାଇଁ କାମ କରିବାକୁ ହେବ ବୋଲି ନୂତନ ଭାବେ ଯୋଗ ଦେଇଥିବା ନେତାମାନେ କହି ଥିଲେ।