ମିନାଝୋଲା ଶୈବ ପୀଠ ବଂଶଧାରା ନଦୀରେ ଦୁଇଶିଶୁ ନିଖୋଜ
ଚନ୍ଦ୍ରପୁର ବ୍ଲକ ବଂଶଧାରା ନଦୀର ମିନାଝୋଲା ଠାରେ ଜଣେ ଦଶ ବର୍ଷର ଝିଅ ଓ ନଅ ବର୍ଷର ପୁଅ ପ୍ରଖର ସ୍ରୋତରେ ପାଣିଭିତରେ ଖସିଯାଇ ନିଖୋଜ । ସୂଚନାଯେ, ଫୁଲବାଣୀ ଜିଲ୍ଲା କୋଟଗଡ ବ୍ଲକର ସୁବର୍ଣ୍ଣପୁର ଗ୍ରାମର କିଛି ଲୋକ ମିନାଝୋଲା ବୁଲିବାକୁ ଆସିଥିଲେ । ସେମାନଙ୍କ ଦୁଇ ପରିବାରର ଦୁଇ ଛୁଆ ଗାଧୋଉଥିବା ସମୟରେ ଅସାବଧାନତା ଯୋଗୁଁ ଏଭଳି ଦୁର୍ଘଟଣା ଘଟିଛି । ଅଗ୍ନିଶମ ବିଭାଗ ତରଫରୁ ଉଦ୍ଧାର କାର୍ଯ୍ୟ ଚାଲିଛି । ମିନାଝୋଲା ନିକଟସ୍ଥ ଟାପିରିକୁପୁଡା ଗ୍ରାମବାସୀ ମାନେ ମଧ୍ୟ ଉଦ୍ଧାର କାର୍ଯ୍ୟରେ ଲାଗିଛନ୍ତି। ଖବର ଲେଖିବା ସମୟ ମଧ୍ୟରେ ପିଲା ମାନଙ୍କୁ ଉଦ୍ଧାର କରାଯାଇ ପାରି ନଥିଲା।ଏହି ଦୁଃଖଦ ଖବର ଶୁଣି ସ୍ଥାନୀୟ ଲୋକଙ୍କ ମଧ୍ୟରେ ଶୋକର ଛାୟା ଖେଳିଯାଇଛି।
