ରାଜାରାମ ଷଡଙ୍ଗୀ12/11/2023 at 6:14 AM
ସମ୍ବଲପୁର:ସମ୍ବଲପୁର ଜ଼ିଲ୍ଲା ଧନକଉଡ଼ା ବ୍ଲକ କଳାମାଟି ପଞ୍ଚାୟତ ଗୋଲକ ନଗର ନିବାସୀ ବରିଷ୍ଠ ସାମ୍ବାଦିକ ଭୀଷ୍ମ ଦେବ ପଣ୍ଡାଙ୍କ ଆଜି ସନ୍ଧ୍ୟାରେ ୬୬ ବର୍ଷ ବୟସରେ ପରଲୋକ ହୋଇଯାଇଛି I ସ୍ୱର୍ଗତ ଭୀଷ୍ମ ଦେବ ପଣ୍ଡା ହେଉଛନ୍ତି ଓଡିଶା ସାମ୍ବାଦିକ ସଂଘ (ଓଜେୟୁ) ସମ୍ବଲପୁର ଜ଼ିଲ୍ଲା ଶାଖାର ପୂର୍ବତନ ସାଧାରଣ ସମ୍ପାଦକ ଓ ସ୍ୱର୍ଗତ ଉପେନ୍ଦ୍ର ନାରାୟଣ ପଣ୍ଡାଙ୍କ ବଡ ଭାଇ I ସ୍ୱର୍ଗତ ସାମ୍ବାଦିକ ଭୀଷ୍ମ ଦେବ ପଣ୍ଡାଙ୍କ ନିଜ ଘର ପଡିଆବାହାଲ ନିକଟସ୍ଥ ବାହାମ ଗ୍ରାମ ।ତାଙ୍କର ମୃତ୍ୟୁ ଖବର ଅଞ୍ଚଳରେ ପହଞ୍ଚବା ପରେ ଚାରିଆଡେ ସଦୋକର ଛାୟା ଖେଳିଯାଇଛି । ସେ ପୁର୍ବରୁ ଓୟୁଜେ ଶାଖାରେ ମଧ୍ୟ ରହି ବିଭିନ୍ନ ପଦ ପଦବୀରେ ରହିଆସିଥିଲେ।ତାଙ୍କ ମୃତ୍ୟୁରେ ଆତ୍ମାର ସଦଗତି କାମନା କରିବା ସହିତ ଶୋକ ସନ୍ତପ୍ତ ପରିବାର ବର୍ଗ ଙ୍କୁ ଓଜେୟୁ ସମ୍ବଲପୁର ଜ଼ିଲ୍ଲା ଶାଖା ପକ୍ଷରୁ ସମବେଦନା ଜ୍ଞାପନ କରାଯାଇଛି।