ପ୍ରଦୀପ କୁମାର ନାୟକ10/02/2024 at 12:16 PM
ଚିପିଳିମା, ସମ୍ବଲପୁର ଜିଲ୍ଲା ଧନକୌଡା ବ୍ଲକ କଳାମାଟି ପଞ୍ଚାୟତର ବୁଢ଼ୀଖମାର ଓ ବେହେରାଟିକ୍ରା ଗ୍ରାମର ପ୍ରାୟ ଏକ ହଜାର ଜନସଂଖ୍ୟା କୁ ନେଇ ଜଣେ ଆଶାକର୍ମୀ ନିଯୁକ୍ତ ଥିବାବେଳେ କାମ ଠିକ ଭାବରେ କାମ ହୋଇ ପାରୁନଥିବା ଅଭିଯୋଗ ହୋଇଆସୁଛି l ଏହି ପରିପେକ୍ଷି ରେ ବୁଢ଼ୀଖମାରରେ ଆଉ ଗୋଟିଏ ଆଶା କର୍ମୀ ନିଯୁକ୍ତି କରିବାକୁ ଦାବି ଜୋର ଧରିଛି l ଏନେଇ ୱାର୍ଡ ସଭ୍ୟ କମଳାକାନ୍ତ ସେଟଙ୍କ ନେତୃତ୍ୱରେ ଗ୍ରାମବାସୀ ଯାଇ ଦସ୍ତଖତ ସମ୍ବଳିତ ଦାବିପତ୍ର ନେଇ ଦେବେଇପାଲି ସ୍ୱାସ୍ଥ୍ୟକେନ୍ଦ୍ର ଅଧିକାରୀଙ୍କୁ ପ୍ରଦାନ କରିଛନ୍ତି l ଦାବିପତ୍ର ପ୍ରଦାନ ସମୟରେ ସରପଞ୍ଚ ଡ. ସୁଷମା ସାହୁ ସମେତ ଗ୍ରାମବାସୀ ଉପସ୍ଥିତ ଥିଲେ l କଳାମାଟି ପଞ୍ଚାୟତରେ ଆଉ ଏକ ଆଶାକର୍ମୀ ନିଯୁକ୍ତି ଦିଆଗଲେ କାମ ସୁଗମ ହୋଇ ପାରିବ ବୋଲି ସଚେତନ ମହଲରେ ମତ ପ୍ରକାଶ ପାଇଛି l