ପ୍ରଜ୍ଞା ପଟ୍ଟନାୟକ12/04/2023 at 1:10 PM
ବେଙ୍ଗାଲୁରୁ: କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ଏକ ମାସରୁ କମ୍ ସମୟ ବାକି ଅଛି। କର୍ଣ୍ଣାଟକର ପୂର୍ବତନ ଡେପୁଟି ସିଏମ୍ ଲକ୍ଷ୍ମଣ ସାବାଦି ଆଥାନୀ ନିର୍ବାଚନମଣ୍ଡଳୀରୁ ଟିକେଟ ନ ପାଇ କ୍ଷୋଭ ପ୍ରକାଶ କରିଛନ୍ତି। ସୂଚନା ଅନୁଯାୟୀ ଲକ୍ଷ୍ମଣ ସାବାଦି ବିଧାନ ପରିଷଦ ସଦସ୍ୟ ତଥା ବିଜେପିର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି। ତେବେ ଦଳର ସୂତ୍ର ଅନୁଯାୟୀ କର୍ଣ୍ଣାଟକର ପୂର୍ବତନ ଉପମୁଖ୍ୟମନ୍ତ୍ରୀ ଲକ୍ଷ୍ମଣ ସାବାଦି ଏପର୍ଯ୍ୟନ୍ତ ସରକାରୀ ଭାବେ ଇସ୍ତଫା ଦେଇନାହାଁନ୍ତି।
ସେ ଇସ୍ତଫା ଦେବେ ବୋଲି କହିଛନ୍ତି। ସୂଚନା ଅନୁଯାୟୀ ଏହି ସମୟରେ କର୍ଣ୍ଣାଟକର ମୁଖ୍ୟମନ୍ତ୍ରୀ ବସଭାରାଜ ବୋମ୍ମାଇ ସାବାଦିଙ୍କ ସହ କଥା ହୋଇଛନ୍ତି। ସେ ବିଜେପିର ଜଣେ ଟାଣୁଆ ଲିଙ୍ଗାୟତ ନେତା ମଧ୍ୟ। ୨୦୧୮ କର୍ଣ୍ଣାଟକ ବିଧାନସଭା ନିର୍ବାଚନରେ ସାବାଦି କଂଗ୍ରେସ ପ୍ରାର୍ଥୀଙ୍କୁ ହରାଇଥିଲେ।