ସୌମିତ୍ରି ମେହେର15/03/2024 at 6:03 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଦୁର୍ଜନତୈଲା ଆଶ୍ରମ ସ୍କୁଲ ରେ ଗୁରୁବାର ଦିନ ଖାଉଟି ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜିଲ୍ଲା ମଙ୍ଗଳ ବିଭାଗ ଓ ସ୍ବେଚ୍ଛାସେବୀ ଅନୁଷ୍ଠାନ ସୋନପୁରର ରେଆର ଆନୁକୂଲ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ସ୍କୁଲ ର ପ୍ରଧାନ ଶିକ୍ଷକ ଶୁଭ୍ରାଂଶୁ ଶେଖର ପଣ୍ଡା ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ରେଆରର ସାଧାରଣ ସମ୍ପାଦକ ଅନଙ୍ଗ ନେଗୀ , ଖାଉଟି ପରାମର୍ଶ କେନ୍ଦ୍ର ର ପରାମର୍ଶଦାତା ସୁଦାମ ଗାଇଗରିଆ , କାର୍ଯ୍ୟକ୍ରମ ଅଧିକାରୀ ଅବନୀ କୁମାର ଶତପଥୀ , ସୁଶାନ୍ତ ସା ପ୍ରମୁଖ ଅତିଥି ଭାବେ ଯୋଗଦେଇ ଖାଉଟି ସୁରକ୍ଷା ସଚେତନତା ଉପରେ ଛାତ୍ରୀଛାତ୍ର ଙ୍କୁ ସଚେତନ କରିଥିଲେ। ସୁଦାମ ନାଏକ ଓ ସାଥୀ ପାଲା ପରିବେଷଣ କରି ଖାଉଟି ଅଧିକାର ତଥା ଖାଉଟି ସଚେତନତା ଉପରେ ଛାତ୍ରୀଛାତ୍ର ଙ୍କୁ ସଚେତନ କରିଥିଲେ । ବିଦ୍ୟାଳୟ ର ସମସ୍ତ ଛାତ୍ର ଛାତ୍ରୀ , ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।