ପ୍ରଜ୍ଞା ପଟ୍ଟନାୟକ14/04/2023 at 2:52 PM
ଭୁବନେଶ୍ବର: ଖରାର ପ୍ରକୋପକୁ ଦେଖି ସାରା ରାଜ୍ୟରେ ସମସ୍ତ ସରକାରୀ ଓ ବେସରକାରୀ ସ୍କୁଲ ବନ୍ଦ ରହିଛି। ପିଲାଙ୍କ ସୁରକ୍ଷାକୁ ଦୃଷ୍ଟିରେ ରଖି ସ୍କୁଲ ଛୁଟି ନିଷ୍ପତ୍ତି ନିଆଯାଇଥିଲା। ଆସନ୍ତା ୧୬ ତାରିଖ ଯାଏ ସମସ୍ତ ସ୍କୁଲ ବନ୍ଦ ରହିବ ବୋଲି ଗଣଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଥିଲା।
ତେବେ ପୁଣି ଥରେ ସ୍କୁଲ ଖୋଲାଯିବ କି ଛୁଟି ଦିଆଯିବ ସେନେଇ ୧୬ ତାରିଖରେ ପରେ ପରବର୍ତ୍ତୀ ନିଷ୍ପତ୍ତି ନିଆଯିବ ବୋଲି କହିଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାସ। ଖରାକୁ ଦେଖି ସ୍କୁଲ ଛୁଟି ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି। ଏହାସହିତ ସେ କହିଛନ୍ତି ରାଜ୍ୟ ସରକାର ସମସ୍ତ ସମ୍ବେଦନଶୀଳ ଘଟଣାର ସଠିକ ନିଷ୍ପତ୍ତି ନିଅନ୍ତି। ଗ୍ରୀଷ୍ମ ପ୍ରବାହ ଓ ପିଲାଙ୍କ ସୁରକ୍ଷାକୁ ଦୃଷ୍ଟିରେ ରଖି ସ୍କୁଲ ଛୁଟି ନିଷ୍ପତ୍ତି ନେଇଥିଲେ ରାଜ୍ୟ ସରକାର। ଆଗକୁ ବି ଠିକ୍ ସମୟରେ ଠିକ୍ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି ଗଣଶିକ୍ଷା ମନ୍ତ୍ରୀ।