ରାଜକିଶୋର ତ୍ରିପାଠୀ11/05/2024 at 6:36 PM
ସୁବର୍ଣ୍ଣପୁର ( ରାଜ କିଶୋର ତ୍ରିପାଠୀ )ଗତକାଲି ସୋନପୁର ଜିଲ୍ଲା ଭାରତୀୟ ଜନତା ପାର୍ଟି ର ମିଶ୍ରଣ ପର୍ବ ଓ ସୋନପୁର ସହର ରେ ନିର୍ବାଚନୀ ପ୍ରଚାର ଶୋଭାଯାତ୍ରା ଅନୁଷ୍ଟିତ ହୋଇଥିଲା। ସୋନପୁର ବିଧାୟକ ପ୍ରାର୍ଥୀ ପ୍ରମୋଦ ମହାପାତ୍ର, ନଗର ସମ୍ପାଦକ ସୁରେଶ ବିଶ୍ୱାଳ ଓ ପ୍ରଫୁଲ୍ଲ ସାହୁ, ଜ଼ିଲ୍ଲା ଏସ. ସି. ମୋର୍ଚ୍ଚା ସଭାପତି ଅନନ୍ତ ପାଣିଗ୍ରାହୀ, ବରିଷ୍ଠ ସଭ୍ୟ ଶିବରାମ ସାହୁ, ମିଡ଼ିଆ ସେଲ ପ୍ରଭାରୀ ନିରଞ୍ଜନ ତ୍ରିପାଠୀଙ୍କ ଉପସ୍ଥିତିରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା l ସୁରେଶ ବିଶ୍ୱାଳ ଓ ଓବିସି ମୋର୍ଚ୍ଚା ନଗର ସଭାପତି ସରୋଜ ପାତ୍ରଙ୍କ ପ୍ରଚେଷ୍ଟାରେ ଅବସରପ୍ରାପ୍ତ ଜିପିଓ ନୀଳମ୍ବର ପଣ୍ଡା ଓ ବଡ଼ବଜ଼ାରର ବିଶିଷ୍ଟ ବ୍ୟକ୍ତି ଯୁଗୀ ମେହେର ସମେତ ମାଲିପଡ଼ା ଓ ନୂଆମାଳିପଡ଼ାର ୪୦ଜଣ ଯୁବକ ବିଜେପି ରେ ସାମିଲ ହୋଇଥିଲେ । ପରେ ପରେ ବିଧାୟକ ପ୍ରାର୍ଥୀ ଶ୍ରୀ ମହାପାତ୍ର ଏକ ବାଇକ ରାଲିରେ ନଗର ପରୀକ୍ରମା କରି ଭୋଟ ଭିକ୍ଷା କରିଥିଲେ ଏବଂ ଆସନ୍ତା କାଲିଠାରୁ ସହରରେ ଘରକୁ ଘର ଯାଇ ଭୋଟ ଭିକ୍ଷା କରିବା କାର୍ଯକ୍ରମ ରହିଛି ।