ଓଡ଼ିଶା ଡଟ୍ ନ୍ୟୁଜ୍

14/05/2024 at 1:19 PM

ମାଲକାନଗିରି: ମାଲକାନଗିରି ଜିଲ୍ଲା ମାଥିଲି ଥାନା ଅଞ୍ଚଳରେ ଏକ ଦୁଃଖଦ ଘଟଣା ଘଟିଛି । ନିର୍ବାଚନ ସାରି ଫେରୁଥିବା ଜଣେ କର୍ମଚାରୀଙ୍କୁ ବସ୍ ଧକ୍କା ଦେବା ଫଳରେ ତାଙ୍କର ମୃତ୍ୟୁ ଘଟିଛି । ମାଥିଲି ଥାନା ଅନ୍ତର୍ଗତ ତମୁଗୋଡ଼ା ନିକଟରେ ଦୁର୍ଘଟଣା ଘଟିଛି । ମୃତ ଶିକ୍ଷକ ଜଣଙ୍କ ହେଲେ ଖଇରପୁଟ ଏମ ବନ୍ଧଗୁଡାର ଇନ୍ଦ୍ରଜିତ କିର୍ସାନୀ ।
ଗତକାଲି ଇନ୍ଦ୍ରଜିତ ନିର୍ବାଚନ ଡ୍ୟୁଟି ସାରି ବାଇକ୍ ଯୋଗେ ଘରକୁ ଫେରୁଥିଲେ । ତମୁଗୋଡ଼ା ନିକଟରେ ଶିକ୍ଷକଙ୍କୁ ଏକ ବସ୍‌ ଧକ୍କା ଦେଇଥିଲା । ଇନ୍ଦ୍ରଜିତ ଛିଟିକି ତଳେ ପଡ଼ିଯାଇଥିଲେ । ତାଙ୍କ ଉପରେ ବସ୍‌ ମାଡ଼ିଯାଇଥିଲା । ଘଟଣାସ୍ଥଳରେ ଶିକ୍ଷକଙ୍କ ମୃତ୍ୟୁ ଘଟିଥିଲା । ପୋଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି ।