ପ୍ରଜ୍ଞା ପଟ୍ଟନାୟକ18/04/2023 at 4:56 PM
ଭୁବନେଶ୍ୱର: ଏଥର ଖରା ଛୁଟିରେ ବି ପାଠ ପଢିବେ ଛାତ୍ରଛାତ୍ରୀ। ଚଳିତ ବର୍ଷ ମେ ୪ ତାରିଖରୁ ଆରମ୍ଭ ହେଉଛି ଖରା ଛୁଟି। କାରଣ ଚଳିତ ବର୍ଷ ପ୍ରଥମ ଥର ପାଇଁ ରାଜ୍ୟ ସରକାର ଆରମ୍ଭ କରିବେ ଅବକାଶକାଳୀନ ଶିକ୍ଷା । ଖରା ଛୁଟିରୁ ଏହି ଅବକାଶକାଳୀନ ଶିକ୍ଷା ଆରମ୍ଭ ହେବ ।
ଏହାଦ୍ବାରା ଖରାଛୁଟିରେ ଛାତ୍ରଛାତ୍ରୀମାନେ ପାଠପଢା ସହିତ ଜଡିତ ରହିବେ। ସ୍କୁଲ ଖୋଲିଲା ପରେ ଯେମିତି ସେମାନଙ୍କୁ କୌଣସି ସମସ୍ୟା ନହେବ ସେଥିପ୍ରତି ଗୁରୁତ୍ବ ଦିଆଯାଇଛି। ଏଥିପାଇଁ ସ୍ବତନ୍ତ୍ର ସିଲାବସ କରାଯାଇଛି । କ୍ଲାସର ଛାତ୍ରଛାତ୍ରୀଙ୍କୁ ନେଇ ପୃଥକ୍ ପୃଥକ୍ ଗ୍ରୁପ କରାଯାଇଛି । ପ୍ରତି ଗ୍ରୁପର ମନିଟର କରିବେ ଜଣେ ଶିକ୍ଷକ ।
ଅବକାଶକାଳୀନ ସିଲାବସ ଅନୁସାରେ କେତେ ପାଠ ଛାତ୍ରଛାତ୍ରୀ ପଢ଼ିଛନ୍ତି, ସେନେଇ ଫୋନରେ ଅଭିଭାବକ ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିବେ ଶିକ୍ଷକ ।