କୁଲୁଣ୍ଡି ଡ଼ାକ୍ତରଖାନାରେ ବିଶ୍ଵ ଶିକିଲ ସେଲ ସଚେତନତା ଦିବସ


ସମ୍ବଲପୁର(ଗୌଡପାଲି): ଜମନକିରା ବ୍ଲକ ଅନ୍ତର୍ଗତ କୁଲୁଣ୍ଡି ଗ୍ରାମପଞ୍ଚାୟତ ଅନ୍ତର୍ଗତ କୁଲୁଣ୍ଡି ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଆଜି ୧୯ଜୁନ ତାରିଖରେ ବିଶ୍ବ ଶିକିଲ ସେଲ ସଚେତନତା ଦିବସ ପାଳନ ହୋଇଯାଇଛି। ଏହି ଅବସରରେ ଅନୁଷ୍ଠିତ ସଭାରେ କୁଲୁଣ୍ଡି ସ୍ବାସ୍ଥ୍ୟ ଓ ଆରୋଗ୍ୟ କେନ୍ଦ୍ରର ଡାକ୍ତର ଡ. ଆଶିଷ ରଂଜନ ପଣ୍ଡା, ଫାର୍ମାସିଷ୍ଟ ରୋହିତ କୁମାର ପ୍ରଧାନ, ଆୟୁଷ ଡାକ୍ତର ଡ.ଅନୁରାଧା ପ୍ରଧାନ ଓ କୁଲୁଣ୍ଡି ନାଏବ ସରପଞ୍ଚ ସୁମନ୍ତ ଗଡତିଆ ମଞ୍ଚାସିନ ରହି ଉପସ୍ଥିତ ଜନସାଧାରଣଙ୍କୁ ଶିକିଲ ସେଲ ରୋଗର କାରଣ, ଲକ୍ଷଣ ଓ ପ୍ରତିକାର ସମ୍ପର୍କରେ ବିଷଦ ଭାବରେ ବୁଝାଇଥିଲେ। ଆଜିର କାର୍ଯ୍ୟକ୍ରମରେ ବିଭିନ୍ନ ସ୍ବାସ୍ଥ୍ୟ କର୍ମୀ, ଆଶା କର୍ମୀ, ତଥା ଅଞ୍ଚଳର ବୁଦ୍ଧିଜିବୀ ଉପସ୍ଥିତ ରହି ଏହି ରୋଗ ସମ୍ବନ୍ଧରେ ବୁଝିଥିଲେ। ଜମନକିରା ଡ଼ାକ୍ତରଖାନାରେ ଆଜିଠାରୁ ଆସନ୍ତା ଜୁଲାଇ ମାସ ୩ ତାରିଖ ଯାଏଁ ଜନ୍ମ ଠାରୁ ୪୦ ବର୍ଷ ପର୍ଯ୍ୟନ୍ତ ବ୍ୟକ୍ତି ବିଶେଷଙ୍କ ଏହି ରୋଗର ପରୀକ୍ଷା କରାଯିବ ବୋଲି ସୂଚନା ମିଳିଛି।