ସୌମିତ୍ରି ମେହେର25/06/2024 at 9:10 PM
ବୀରମହାରାଜପୁର : (ସୌମିତ୍ରି ମେହେର )
ମନ୍ଦିର ଦର୍ଶନ କରିବାକୁ ସମ୍ବଲପୁର ଯାଉଥିବା ବେଳେ ସୋନପୁର- ସମ୍ବଲପୁର ମୁଖ୍ୟ ରାସ୍ତାର ଉଲୁଣ୍ଡା ଥାନା ଅନ୍ତର୍ଗତ ସାଲେସିଂ ବୁଳାଣି ରାସ୍ତାରେ ବୋଲେରୋ ଧକ୍କାରେ ଜଣେ ଯୁବକ ର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି l ମୃତ ଯୁବକ ଜଣକ ହେଲେ ତରଭା ଥାନା ଅନ୍ତର୍ଗତ ଅତର୍ଡ଼ା ଗ୍ରାମର ମଛିନ୍ଦ୍ର (ମଣ୍ଟୁ) ଦଳବେହେରା ଏବଂ ଗୁରୁତର ଜଣକ ହେଲେ ରୁକୁଣ ପଧାନ ବୋଲି ଜଣାପଡିଛି l ସୂଚନା ଅନୁସାରେ ଆଜି ମଣ୍ଟୁ ଏବଂ ରକୁଣ ଏକ ବାଇକ୍ ଯୋଗେ ସମ୍ବଲପୁରକୁ ମନ୍ଦିର ଦର୍ଶନ କରିବାକୁ ଯାଉଥିଲେ l ପୂର୍ବାହ୍ନ ପ୍ରାୟ 11ଟା ସମୟରେ ସମ୍ବଲପୁର ପଟରୁ ବଲାଙ୍ଗୀର ଅଭିମୁଖେ ଯାଉଥିବା ଏକ ବୋଲେରୋ ସାଲେସିଂ ବୁଲାଣି ରାସ୍ତାରେ ବାଇକ୍କୁ ଧକ୍କା ଦେଇଥିଲା l ଫଳରେ ଉଭୟେ ଛିଟିକି ପଡ଼ିଥିଲେ l ଖବର ପାଇ ଉଲୁଣ୍ଡା ଅଗ୍ନିଶମ ବାହିନୀ ଏବଂ ଆମ୍ବୁଲାନ୍ସ ଗାଡି ଘଟଣା ସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି ସଦର ଡାକ୍ତର ଖାନାରେ ଭର୍ତ୍ତି କରିଥିଲେ l ମାତ୍ର ପ୍ରାଥମିକ ଚିକିତ୍ସା ପରେ ମଣ୍ଟୁଙ୍କୁ ଡାକ୍ତଖାନାରେ ମୃତ ଘୋଷଣା କରିଥିଲେ l ତେବେ ରୁକୁଣଙ୍କ ଗୋଡ ଭାଙ୍ଗି ଯାଇଥିବାରୁ ବୁର୍ଲା ଡାକ୍ତର ଖାନାକୁ ସ୍ଥାନାନ୍ତର କରାଯାଇଛି l ମଙ୍ଗଳବାର ପୋଲିସ ଶବ ଜବତ କରିବା ଶହ ତଦନ୍ତ ଜାରୀ ରଖି ଥିବାବେଳେ ଦୁର୍ଘଟଣା ଘଟାଇଥିବା ବୋଲେରୋ ଗାଡ଼ିକୁ ପୋଲିସ ଜବତ କରିଛି l