ରାଜକିଶୋର ତ୍ରିପାଠୀ8/07/2024 at 5:54 AM
ସୁବର୍ଣ୍ଣପୁର ( ରାଜ କିଶୋର ତ୍ରିପାଠୀ ) ସୋନପୁର ବିଜୁ ପଟ୍ଟନାୟକ ଡିଗ୍ରୀ ମହିଳା ମହାବିଦ୍ୟାଳୟର ପାଣିଶିଆଲି ସ୍ଥିତ ନୂଆଁ କ୍ୟାମ୍ପସ ଠାରେ ଆଜି ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି। ମହିଳା କଲେଜର ଅଭିଭାବକ, ଛାତ୍ରୀ ଓ ସ୍ଥାନୀୟ ଶ୍ରୀ ସତ୍ୟ ସାଇ ସେବା ସମିତି ର ମିଳିତ ଉଦ୍ୟମ ରେ ୧୫୦ଗୋଟି ଚାରା ରୋପଣ କରାଯାଇଛି। +୩ କଲେଜ ଅଧ୍ୟକ୍ଷା ରିତାରାଣୀ ପୂଝାରୀ ଙ୍କ ତତ୍ତ୍ଵାବଧାନରେ ଓ ଇଂରାଜୀ ଅଧ୍ୟାପକ ମଦନ ସୁନ୍ଦର ଖେତିଙ୍କ ସଂଯୋଜନା ରେ ଅନୁଷ୍ଟିତ ଏହି କାର୍ଯ୍ୟକ୍ରମରେ YRC କାଉନସିଲର ପୂର୍ଣ୍ଣିମା ମିଶ୍ର, ଏନ୍ଏସଏସ ଅଧ୍ୟାପିକା ସଞ୍ଜୁ ରାଣୀ ସିଂ ନେତୃତ୍ଵ ନେଇଥିଲେ। ଏହି ପରିପ୍ରେକ୍ଷୀରେ ବିଭିନ୍ନ ପ୍ରକାର ତଥା ଜାମୁ, ଆମ୍ବ , ନିମ୍ବ, ପିପଳ ଗଛ ସମେତ ବହୂ ଔଷଧିୟ ବୃକ୍ଷ ରୋପଣ କରିଥଲେ। ଅଧ୍ୟାପକ କ୍ଷିରୋଦ ମେହେର, ବରିଷ୍ଠ କିରାଣୀ ଚେରବୁଇ ହୋତା, ପ୍ରଭାସିନୀ ରଥ, ସୁଦାମ ସାହୁ, ମିତ୍ର, ଉମା, ସୁରେନ୍ଦ୍ର, ମୀତା ଓ ହରି ଓଁ କୁଶଳ ପ୍ରମୁଖ ଏହି କାର୍ଯ୍ୟକ୍ରମରେ ସକ୍ରିୟ ସାମିଲ ରହି ସହଯୋଗ କରିଥିଲେ।