ଓଡ଼ିଶା ଡଟ୍ ନ୍ୟୁଜ୍

22/07/2024 at 11:20 AM

ଆନନ୍ଦପୁରରୁ କାଉଡ଼ିଆଙ୍କୁ ନେଇ ପୁରୀ ଯାଉଥିଲା ବସ୍ । ବାଟରେ ଭାରସାମ୍ୟ ହରାଇ ଡିଭାଇଡ଼ର ସହ ପିଟି ହେଲା ବସ୍ । ଫଳରେ ୧୭ କାଉଡ଼ିଆ ଆହତ । ପାଣିକୋଇଲି ଥାନା ଅଧୀନ ଅଧୀନ ୨୦ ନମ୍ବର ଜାତୀୟ ରାଜପଥ ଚାନ୍ଦପୁର ନିକଟରେ ଏହି ଦୁର୍ଘଟଣା ଘଟିଛି । ଆହତ କାଉଡିଆଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଗତକାଲି ବିଳମ୍ବିତ ରାତିରେ ଆନନ୍ଦପୁରରୁ ବସରେ ଯୋଗେ କାଉଡ଼ିଆମାନେ ପୁରୀ ଯାଉଥିବା ସମୟରେ ଦୁର୍ଘଟଣା ଘଟିଥିଲା । ଖବର ପାଇ ପୋଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଆହତ କାଉଡ଼ିଆମାନଙ୍କୁ ଉଦ୍ଧାର କରି ପୋଲି ମେଡିକାଲରେ ଭର୍ତ୍ତି କରିଥିଲା ।

ଦୁର୍ଘଟଣା ପରେ ଗାଡି ଛାଡି ଡ୍ରାଇଭର ଫେରାର ହୋଇଯାଇଛି । ପୋଲିସ ବସଟିକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।