ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ2/08/2024 at 7:24 PM
ପ୍ୟାରିସ: ପ୍ୟାରିସ ଅଲିମ୍ପିକ୍ସରେ ମନୁ ଭାକର ଏକ ତାରକା ଆଥଲେଟ୍ ଭାବେ ଆବିର୍ଭାବ ହୋଇଛନ୍ତି । ସେ ଗୋଟିଏ ପରେ ପରେ ଗୋଟିଏ ଅଲିମ୍ପିକ୍ସ ପଦକ ଜିତି ଇତିହାସ ପୃଷ୍ଠାରେ ନିଜର ନାମ ଲିପିବଦ୍ଧ କରିଛନ୍ତି । ଏବେ ମନୁ ଭାକରଙ୍କ ନିକଟରେ ସ୍ୱର୍ଣ୍ଣ ପଦକ ଜିତିବାର ସୁଯୋଗ ରହିଛି ।
ମନୁ ଭାକର ଆଜି ମହିଳା ୨୫ ମିଟର ମିସ୍ତଲ ଫାଇନାଲରେ ପ୍ରବେଶ କରିଛନ୍ତି । ମନୁ ମୋଟ୍ ୫୯୦ ଅଙ୍କ ସହ ଦ୍ୱିତୀୟ ସ୍ଥାନରେ ରହିଛନ୍ତି । ଅନ୍ୟପଟେ ଇଶା ସିଂ ନିରାଶ କରିଛନ୍ତି । ସେ ୧୮ତମ ସ୍ଥାନରେ ରହି ବାଦ୍ ପଡିଛନ୍ତି । ଆସନ୍ତାକାଲି ଭାରତୀୟ ସମୟ ଅପରାହ୍ଣ ୧ଟାରେ ଫାଇନାଲ୍ ମୁକାବିଲା ଖେଳାଯିବ ।
ମନୁ ପ୍ୟାରିସ ଅଲିମ୍ପିକ୍ସ କ୍ରୀଡାରେ ଭାରତ ପାଇଁ ଅଦ୍ଭୁତପୂର୍ବ ତୃତୀୟ ପଦକ ଆଡକୁ ଆଉ ପାଦେ ଆଗେଇ ଶୁକ୍ରବାର ସୁଟିଂର ୨୫ ମିଟର ମହିଳା ପିସ୍ତଲ ବର୍ଗର ଫାଇନାଲ୍ ପାଇଁ ଯୋଗ୍ୟତା ଅର୍ଜନ କରିଛନ୍ତି । ମନୁ ପ୍ରେସିଜନରେ ୨୯୪ ଓ ରାପଡିରେ ୨୯୬ ଅଙ୍କ ସହିତ ମୋଟ୍ ୫୯୦ ପଏଣ୍ଟ ହାସଲ କରି କ୍ୱାଲିଫିକେସନର ଦ୍ୱିତୀୟ ସ୍ଥାନ ହାସଲ କରି ଫାଇନାଲରେ ପ୍ରବେଶ କରିଛନ୍ତି ।
25m Women's Rapid Pistol Qualification
— SAI Media (@Media_SAI) August 2, 2024
MANU MASTERCLASS!@realmanubhaker 's fantastic run of form at the #Paris2024Olympics continues with a score of 590 as she finishes 2nd, qualifying for the finals.
Esha Singh finished 18th with a score of 581 and failed to qualify for the… pic.twitter.com/rbCXNAUWdw
ମନୁ ପ୍ରିସିଜନ ଗସ୍ତରେ ୧୦-୧୦ ଚିହ୍ନର ତିନୋଟି ସିରିଜରେ କ୍ରମଶଃ ୯୭, ୯୮ ଓ ୯୯ ପଏଣ୍ଟ ସଂଗ୍ରହ କରିଥିଲେ । ରାପିଡ ସିିରିଜରେ ୧୦୦, ୯୮ ଓ ୯୮ ପଏଣ୍ଟ ହାସଲ କରିଥିଲେ । ଏହି ଦମଦାର ପ୍ରଦର୍ଶନ ବଳରେ ସେ ଫାଇନାଲରେ ପ୍ରବେଶ କରିଛନ୍ତି ।
ଏହା ପୂର୍ବରୁ ମନୁ ଭାକର ସ୍ୱାଧୀନ ଭାରତର ପ୍ରଥମ ଆଥଲେଟ୍ ଭାବେ ଗୋଟିଏ ଅଲିମ୍ପିକ୍ସରେ ଦୁଇଟି ପଦକ ଜିତିଛନ୍ତି । ସେ ୧୦ ମିଟର ଏୟାର ପିସ୍ତଲରେ କାଂସ୍ୟ ଓ ସରବଜୋତ ସିଂଙ୍କ ସହ ମିଶ୍ରିତ ବର୍ଗରେ କାଂସ୍ୟ ଜିତିଥିଲେ ।