ପ୍ରଦୀପ କୁମାର ନାୟକ14/08/2024 at 2:09 PM
ଚିପିଲିମା,ସମ୍ବଲପୁର ଜିଲ୍ଲା ବସନ୍ତପୁର ସ୍ଥିତ ସିଆରପିଏଫ ଗ୍ରୁପ ସେଣ୍ଟର ପକ୍ଷରୁ ମଙ୍ଗଳବାର ହରଘର ତ୍ରୀରଙ୍ଗା ଅଭିଯାନ ଅନୁଷ୍ଠିତ ହୋଇଯାଇଛି l ଏହି ଅବସରରେ ଡିଆଇଜି ସଞ୍ଜୟ କୁମାର ସିଂ ସିଆରପିଏଫ ପରିସରରେ କାର୍ଯ୍ୟକ୍ରମର ଉଦଘାଟନ ପରେ ଏକ ବିଶାଳ ବାଇକରାଲି ବାହାରିଥିଲା l ଡିଆଇଜି ସିଂଙ୍କ ପ୍ରତ୍ୟକ୍ଷ ତତ୍ୱାବଧାନରେ ସିଆରପିଏଫରୁ ଏକ ବାଇକ ରାଲି ବାହାରି ବସନ୍ତପୁର, ସାହାଜବାହାଲ, ସିସିବି ଫାର୍ମ , ରୁପାପାଲି,ସାତୁପାଲି, ଓୟୁଏଟି, ଗୋବିନ୍ଦପାଲି, ଚାରପାଲି ଛକ ପହଞ୍ଚିଥିଲା l ଚାରପାଲି ଛକରେ ଯବାନମାନେ ଲୋକଙ୍କୁ ପତାକା ବାଣ୍ଟି ଘରେ ଘରେ ତ୍ରୀରଙ୍ଗା ଲଗାଇବାକୁ ଲୋକଙ୍କୁ ପରାମର୍ଶ ଦେଇ ସଚେତନ କରାଇଥିଲେ l ପରେ ଚିପିଲିମା ଆସି ଘରଘର ତୀରଙ୍ଗା ଉଡାଇବାକୁ ଲୋକଙ୍କୁ ସଚେତନତାର ବାର୍ତ୍ତା ଦେଇଥିଲେ l ଚିପିଲିମା ରୁ ଫେରି କଳାମାଟି ଗାଁ ଦେଇ ଗୋଶାଳା ଛକରେ ଲୋକଙ୍କୁ ସଚେତନ କରିଥିଲେ l ଏହା ପରେ ଗୋଶାଳା ଛକରୁ ନିଜ ଗ୍ରୁପ ସେଣ୍ଟର ପ୍ରତ୍ୟାବର୍ତନ କରିଥିଲେ lଆୟୋଜିତ କାର୍ଯ୍ୟକ୍ରମ ରେ ସିଆରପିଏଫର ଆସିଷ୍ଟାଣ୍ଟ କମାଣ୍ଡଣ୍ଡାଣ୍ଟ ସୁଶାନ୍ତ ସାହୁଙ୍କ ନେତୃତ୍ୱରେ ସମସ୍ତ ଯବାନ ଉପସ୍ଥିତ କାର୍ଯ୍ୟକ୍ରମକୁ ସଫଳ କରାଇଥିଲେ l