ସୌମିତ୍ରି ମେହେର22/08/2024 at 3:17 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ କୋଟ ସମଲାଇ ସ୍ଥିତ ପାତାଳୀ ଶ୍ରୀକ୍ଷେତ୍ର ରୁ ଗଳାକାଟି ହୁଣ୍ଡି ଚୋରି ହୋଇଥିବା ଅଭିଯୋଗ ହୋଇଛି I ଗତକାଲି ବିଳମ୍ବିତ ରାତିରେ ଦୁର୍ବୃତ୍ତ ମାନେ ଜଗନ୍ନାଥ ମନ୍ଦିର ର ତାଲା କାଟି ହୁଣ୍ଡି ସମେତ ଏମ୍ପ୍ଳୀଫାୟାର ଏବଂ ଅନ୍ୟନ୍ୟ ସମାଗ୍ରୀ ଚୋରି କରି ନେଇଯାଇଛନ୍ତି I ଗୁରୁବାର ସକାଳୁ ପୂଜକ ପହଞ୍ଚି ଦେଖିଲା ବେଳକୁ ମନ୍ଦିରର ତାଲା କଟା ଅବସ୍ଥାରେ ଥିଲା I ତୁରନ୍ତ ପାତାଳୀ ଟ୍ରଷ୍ଟ କୁ ଘଟଣା ସମ୍ପର୍କରେ ଜଣାଇ ଥିଲେ l ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବାବେଳେ ମନ୍ଦିର ପଛ ପଟେ ହୁଣ୍ଡି ଟି ପଡିଥିବା ଦେଖିବାକୁ ପାଇଲେ I ତେବେ ହୁଣ୍ଡିରେ କେତେ ଟଙ୍କା ଥିଲା ତାହା ଜଣା ପଡିନାହିଁ I କିଛି ମାସ ପୂର୍ବରୁ ସମାନ ଢଙ୍ଗରେ ଏହି ମନ୍ଦିରରୁ ଚୋରି ହୋଇଥିଲେ ହେଁ ପୋଲିସ କାହାରିକୁ ଗିରଫ କରିବା ରେ ସଫଳ ହୋଇ ନ ଥିଲା l ତେଣୁ ସାଧାରଣରେ ଏ ଘଟଣାକୁ ନେଇ ବିଭିନ୍ନ ଆଲୋଚନା ହେଉଛି I