ମହିଳାଙ୍କ ଉନ୍ନତି ହେଲେ ଦେଶର ବିକାଶ ହେବ
ସମ୍ବଲପୁର/କୁଚିଣ୍ଡା:ମହୁଲ ଫୁଲ ଓ ଶାଳମଞ୍ଜିକୁ ଅଧିକ ପ୍ରାଧାନ୍ୟ ଦିଆଯାଇ ଏଥିପାଇଁ ଆଗାମୀ ଦିନରେ ଏକ ଶିଳ୍ପ କରିବାର ଯୋଜନା ରହିଛି। ଆମେ ନିଜେ ଉତ୍ପାଦନ କରି ନିଜେ ବ୍ୟବହାର କଲେ ଯାଇ ଉଦ୍ୟୋଗପତି ହୋଇପାରିବା ବୋଲି ଗ୍ରାମ୍ୟ ଉନ୍ନୟନ, ପଞ୍ଚାୟତିରାଜ ଓ ପାନୀୟଜଳ ମନ୍ତ୍ରୀ ରବିନାରାୟଣ ନାଏକ କହିଛନ୍ତି । ସମ୍ବଲପୁର ଜିଲ୍ଲା କୁଚିଣ୍ଡା ବ୍ଲକ ସମ୍ମିଳନୀ କକ୍ଷରେ ମନ୍ତ୍ରୀ ନାଏକ ଲକ୍ଷପତି ଦିଦି ଯୋଜନାର ଶୁଭାରମ୍ଭ କରି ମହିଳାଙ୍କ ଉନ୍ନତି ହେଲେ ଯାଇ ଦେଶର ବିକାଶ ହୋଇପାରିବ ପାରିବ ବୋଲି କହିଥିଲେ । ବ୍ଲକ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ମନ୍ତ୍ରୀ ନାଏକ ମୁଖ୍ୟ ମୁଖ୍ୟ ଅତିଥି ଭାବେ ଯୋଗଦେଇ ବ୍ଲକର ୨୦୦ ମହିଳାଙ୍କୁ ଲକ୍ଷପତି ଦିଦି ଓ ୧୦୯ଜଣ କମ୍ୟୁନିଟି ସପୋର୍ଟ ଷ୍ଟାଫଙ୍କୁ ସମ୍ମାନୀତ କରି ସାର୍ଟିଫିକେଟ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଏମପି ପ୍ରତିନିଧ୍ ରୁଦ୍ରପ୍ରତାପ ଦେଓ, ବିଡିଓ ନିରଞ୍ଜନ ସା,ସେକ୍ସନ ଅଫିସର ତରୁଣ ପ୍ରସାଦ ବିଶ୍ବାଳଙ୍କ ସମେତ ଷ୍ଟାଫ ମାନେ ଉପସ୍ଥିତ ଥିଲେ। ଶେଷରେ ବିପିଏମ ଟିପେନଶନ ବେହେରା ଧନ୍ୟବାଦ ଅର୍ପଣ କରିଥିଲେl
