ଓଡ଼ିଶା ଡଟ୍ ନ୍ୟୁଜ୍

28/08/2024 at 11:24 AM

ବିହାର: ଯୁବକଙ୍କ ହାତ ବନ୍ଧା ହୋଇଛି । ପ୍ୟାଣ୍ଟ ଆଣ୍ଠୁ ପର୍ଯ୍ୟନ୍ତ ଖସାଇ ଦିଆଯାଇଛି । ଜଣେ ବ୍ୟକ୍ତି ଯୁବକଙ୍କୁ ନୂଆଁଇ ଦେଇ ମୁଣ୍ଡକୁ ତଳକୁ ମାଡି ବସିଛି । ଆଉ ଜଣେ ବ୍ୟକ୍ତି ପଛରେ ଲଙ୍କାଗୁଣ୍ଡ ପକାଇ ପେନସିଲରେ ମଳଦ୍ବାର ଭିତରେ ଭର୍ତ୍ତି କରୁଛି । ଆଉ ସେଠାରେ ଉପସ୍ଥିତ ଲୋକେ ଏହି ତାଲିବାନୀ ଦଣ୍ଡକୁ ବିରୋଧ କରିବା ବଦଳରେ ମୋବାଇଲରେ ଭିଡିଓ ବନାଇବାରେ ଲାଗିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏମିତି ଘଟଣା ବିହାରର ଆରାରିଆ ଅଞ୍ଚଳରେ ଘଟିଛି ।

ଅଭିଯୋଗ ହେଉଛି, ପୀଡ଼ିତ ଯୁବକ ଜଣଙ୍କ ବାଇକ ଚୋରି କରୁଥିବା ବେଳେ ଲୋକେ ତାକୁ ଧରିଛନ୍ତି । ହେଲେ ଯୁବକ ଜଣଙ୍କୁ ଲୋକେ ପୋଲିସ ଜିମା ଦେବା ବଦଳରେ ସେଇଠାରେ ଦଣ୍ଡ ଦେବା ଆଣମ୍ଭ କରି ଦେଇଛନ୍ତି । ଯାହା ସଭ୍ୟ ସମାଜକୁ ଲାଞ୍ଛିତ କରୁଛି । ଭିଡିଓ ଭାଇରାଲ ହେବା ପରେ ପୋଲିସ୍‌ ଘଟଣାର ଯାଞ୍ଚ ଆରମ୍ଭ କରିଛି । ପୋଲିସ କହିଛି, ଆରାରିଆ ଇସଲାମନଗରରେ ଏପରି ଘଟଣା ଘଟିଛି । ଏନେଇ ଭାରତୀୟ ନ୍ୟାୟ ସଂହିତାର ଧାରା ୧୦୯ ଓ ୧୧୭ ଆଧାରରେ ମାମଲା ରୁଜୁ କରାଯାଇଛି । ପୋଲିସ୍‌ ଏହି ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରିଛି । ଅନ୍ୟମାନଙ୍କୁ ଚିହ୍ନଟ କରାଯାଇ ପଦକ୍ଷେପ ଗ୍ରହଣ କରାଯିବ ବୋଲି କହିଛି ।