ସୌମିତ୍ରି ମେହେର

28/08/2024 at 2:44 PM

ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ହିଲୁଙ୍ଗ ଗ୍ରାମରୁ ନିଳାଦ୍ରି ଜଗଦଲl ( 32) ନାମକ ଏକ ମହିଳା କିଛି ମାସ ପୂର୍ବରୁ ନିଖୋଜ ହୋଇ ଯାଇଥିଲା I ସେତେବେଳେ ନିଳାଦ୍ରି ର ମାନସିକ ଅବସ୍ଥା ଭଲ ନ ଥିଲା l ଉକ୍ତ ମହିଳା ଙ୍କୁ ତେଲେଙ୍ଗାନା ରାଜ୍ୟ ର ଖମମ ସହରରେ ଅସହାୟ ଅବସ୍ଥାରେ ବୁଲୁଥିବା ଦେଖି ସେଠାକାର ଏକ ସ୍ୱେଚ୍ଛାସେବୀ ସଂଗଠନ ଉଦ୍ଧାର କରିଥିଲା l ମହିଳାଙ୍କ ପରିଚୟ ପାଇଲା ପରେ ସ୍ଵେଚ୍ଛାସେବୀ ଅନୁଷ୍ଠାନ ର ମୁଖ୍ୟ ଡl.ଅମନ୍ ଶ୍ରୀ ବାସ୍ତବ ରାଓ ହିଲୁଙ୍ଗ ସରପଞ୍ଚ ମହେନ୍ଦ୍ର ଜଗଦଲl ଙ୍କୁ ଏ ନେଇ ସୂଚନା ଦେଇଥିଲେ l ଖବର ପାଇ ସରପଞ୍ଚ ଶ୍ରୀ ଜଗଦଲl ନିଖୋଜ ମହିଳା ଙ୍କ ପରିବାର ବର୍ଗଙ୍କୁ ଜଣାଇ ଥିଲେ I ପରବର୍ତ୍ତୀ ସମୟରେ ଡ଼ାକ୍ତର ଅମନ୍ ଶ୍ରୀନିବାସ ରାଓ ଉକ୍ତ ମହିଳାଙ୍କ ସମ୍ପୂର୍ଣ୍ଣ ତଥ୍ୟ ପାଇଲା ପରେ ସ୍ୱେଚ୍ଛାସେବୀ ସଂଗଠନ ର କର୍ମକର୍ତ୍ତା ମାନେ ଉକ୍ତ ମହିଳା ଙ୍କୁ ସଙ୍ଗରେ ଧରି ବୀରମହାରାଜପୁର ଆସିଥିଲେ l ସୋମବାର ବୀରମହାରାଜପୁର ଥାନା ଅଧିକାରୀ ଶୋଭାକର ସେଠ ଙ୍କ ଉପସ୍ଥିତିରେ ମହିଳାଙ୍କୁ ପରିବାର ଲୋକଙ୍କୁ ହସ୍ତାନ୍ତର କରିଥିଲେ I