ଓଡ଼ିଶା ଡଟ୍ ନ୍ୟୁଜ୍29/08/2024 at 10:09 AM
ଢେଙ୍କାନାଳ: ପରଜଙ୍ଗ ଥାନା ଅନ୍ତର୍ଗତ ୫୩ ନମ୍ବର ଜାତୀୟ ରାଜପଥର ବାରିହାପୁର ନିକଟରେ ଅଜଣା ଗାଡି ଧକ୍କାରେ ୧୪ ଗୋରୁଙ୍କ ମୃତ୍ୟୁ ଘଟିଛି । ଦୁର୍ଘଟଣାରେ ଦୁଇଟି ଗୋରୁ ଗୁରୁତର ଆହତ ହୋଇଛନ୍ତି ।
ଗତକାଲି ବିଳମ୍ବିତ ରାତିରେ ୫୩ ନମ୍ବର ଜାତୀୟ ରାଜପଥର ବାରିହାପୁରଠାରେ ରାଜପଥ ଉପରେ ଏକାଧିକ ଗୋରୁ ଶୋଇ ଥିଲେ । କୌଣସି ଦ୍ରୁତଗାମୀ ଗାଡି ଯିବା ବେଳେ ଉକ୍ତ ଗୋରୁଙ୍କୁ ଉପରେ ଚଢ଼ି ଯାଇଥିବା ଅନୁମାନ କରାଯାଉଛି । ମୃତ ଗୋରୁଙ୍କ ଖଣ୍ଡ ବିଖଣ୍ଡିତ ଶରୀର ରାଜରାସ୍ତାରେ ପଡି ରହିଥିବା ବେଳେ ଆହତ ଦୁଇ ଗାଈଙ୍କୁ ବଞ୍ଚାଇବା ପାଇଁ ସ୍ଥାନୀୟ ଲୋକ ଉଦ୍ୟମ ଜାରି ରଖିଛନ୍ତି l ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ପରଜଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଗୋରୁଙ୍କୁ ରାଜପଥରୁ ହଟାଇବା ସହ ତଦନ୍ତ ଆରମ୍ଭ କରିଛି l