ରାଜାରାମ ଷଡଙ୍ଗୀ

5/09/2024 at 4:03 PM

ସମ୍ବଲପୁର:କୁଚିଣ୍ଡା ଝୁଲେନପୋଲ ନିକଟସ୍ଥ ଏ.ଏସ.ସି.ଏସ.ର ପରିଚାଳନାରେ ପ୍ରତିଷ୍ଠିତ ସମ୍ବଳେଶ୍ୱରୀ ନର୍ସିଙ୍ଗ କଲେଜର ନିର୍ଦେଶକ ପୂର୍ବ ବିଧାୟକ ବୃନ୍ଦାବନ ମାଝୀ ଙ୍କ ସଭାପତିତ୍ୱରେ ଭାରତ ର ଦ୍ଵିତୀୟ ରାଷ୍ଟ୍ରପତି ଡ଼. ରାଧାକୃଷ୍ଣନଙ୍କ ଜୟନ୍ତୀ ତଥା ଗୁରୁ ପୂଜନ ଉତ୍ସବ ପାଳିତ ହୋଇ ଯାଇଛି ।ଏଥିରେ ଅବସର ଶିକ୍ଷାବିତ୍ତ ସୁବାସ ଚନ୍ଦ୍ର ନାୟକ,ଅଧ୍ୟକ୍ଷ ଶୀଲକି ମହାକୁଳ, ଅଧ୍ୟାପିକା ଶାଳୀନା ପଟେଲ, ଅଙ୍କନ ପଟେଲ ଓ ଉମାକାନ୍ତ ଛତ୍ରିଆ ପ୍ରମୁଖ ଙ୍କୁ ନର୍ସିଙ୍ଗ ଛାତ୍ରୀ ଗଣ ଉତ୍ତରୀ, ପୁଷ୍ପମାଲ୍ୟ, ଚନ୍ଦନ ଠୋପା ଦେଇ ଗୁରୁ ପୂଜନ କରିଥିଲେ । ଶିକ୍ଷାବିତ୍ତ ଶ୍ରୀ ନାୟକ ମୁଖ୍ୟବକ୍ତା ଭାବରେ ଗୁରୁ ଶିଷ୍ୟ ପରମ୍ପରା ଓ ଡ଼. ରାଧାକୃଷ୍ଣନଙ୍କ ଜୀବନ ଦର୍ଶନ ଉପରେ ଆଲୋଚନା କରିଥିଲେ । ସମାଜସେବୀ ଭୀମ ରାଜ ପ୍ରସାଦ ଓ ପଞ୍ଚାନନ ପ୍ରଧାନ ସମ୍ମାନିତ ଅତିଥି ଭାବରେ ମଂଚାସୀନ ଥିଲେ। ଶେଷରେ ଅନୁଷ୍ଠାନ ର ଉପ ସଭାପତି ରମେଶ ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ସମଗ୍ର କାରଣ୍ୟକ୍ରମ କୁ ଛାତ୍ରୀ ସାବିତ୍ରୀ ଡୁଡୁମା ସଂଯୋଜନା କରିଥିବା ବେଳେ ଛାତ୍ରୀ ଗଣ ଗୁରୁ ବନ୍ଦନା ଓ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନ କରିଥିଲେ ।ସଭା ପରମ୍ଭରେ ଅତିଥି ଗଣ ଡ଼ ରାଧା କ୍ରିଷ୍ଣନ ଙ୍କ ତୈଳ ଚିତ୍ରରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ ।