ଓଡ଼ିଶା ଡଟ୍ ନ୍ୟୁଜ୍12/09/2024 at 10:09 AM
ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲା କଲୁଙ୍ଗା ରାସ୍ତାରେ ଭୟଙ୍କର ଦୁର୍ଘଟଣା । କାର ସହ ପିଟି ହେଲା ଟ୍ରଲର । ଦୁର୍ଘଟଣା ଏତେ ଭୟଙ୍କର ଥିଲା ସେ ଚୂରମାର ହୋଇଗଲା କାର । ଟ୍ରଲର ମଧ୍ୟ ବ୍ୟାପକ କ୍ଷତି ଘଟିଛି । ଦୁର୍ଘଟଣାରେ ଜଣଙ୍କ ମୃତ୍ୟୁ ଘଟିଛି । ମୃତକ ଜଣଙ୍କ କାର ଚାଳକ ବୋଲି ଜଣାପଡିଛି ।
ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । କ୍ଷତିପୂରଣ ଦାବିରେ ସ୍ଥାନ ଲୋକେ କଲୁଙ୍ଗା ରାସ୍ତା ଅବରୋଧ କରି ବସିଛନ୍ତି । ଫଳରେ ଉକ୍ତ ରାସ୍ତାରେ ଯାତାୟାତ ଠପ ହୋଇଯାଇଛି । ରାସ୍ତାର ଉଭୟ ପାର୍ଶ୍ବରେ ଶହ ଶହ ଗାଡ଼ି ଚିଡ଼ା ହୋଇଛନ୍ତି ।
ଏପଟେ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏନେଇ ଏକ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏହାସହ ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ରାସ୍ତାରୋକ ହଟାଇବାକୁ ଚେଷ୍ଟା କରୁଛି ।