ଫୁଲଚରା ରେ ମା ଫୁଲଚରlଣି ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ବାଗବର ପଞ୍ଚାୟତ ଅନ୍ତର୍ଗତ ଫୁଲଚରା ଖେଳପଡିଆଠରେ 12ତମ ମା ଫୁଲଚରାଣି ଏକ ଦିବସୀୟ ଫୁଟବଳ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି l ଏହି ଟୁର୍ଣ୍ଣାମେଣ୍ଟରେ ସମୁଦାୟ 8ଟି ଦଳ ଅଂଶଗ୍ରହଣ କରିଥିଲେ l ଉଦଘାଟନୀ ଉତ୍ସବରେ ଆୟୋଜକ ସଭାପତି ଅଚ୍ୟୁତ ସେଠି ଖେଳକୁ ଉଦଘାଟନ କରିଥିଲେ l ପ୍ରଥମ ସେମିରେ ଚମ୍ପାମାଲକୁ ହରାଇ କୁଡାପଡା ଏବଂ ଦ୍ଵିତୀୟ ସେମିରେ ଫୁଲଚରାକୁ ହରାଇ ଲାତୁରପେଟ ଦଳ ଫାଇନାଲରେ ପ୍ରବେଶ କରିଥିଲା l ଫାଇନାଲ ଖେଳରେ ଲତୁରପେଟକୁ 1-0 ଗୋଲରେ ହରାଇ କୁଡାପଡା ଦଳ ଚମ୍ପିଆନ ହୋଇଥିଲା l ଖେଳକୁ ଅଜିତ ନାଏକ , ସିଦ୍ଧାର୍ଥ ପାତ୍ର , ପ୍ରଶାନ୍ତ ସେଠି ଏବଂ ସୁଦାମ ଜଗଦଳା ପରିଚାଳନା କରିଥିଲେ l ଆୟୋଜିତ ପୁରସ୍କାର ବିତରଣୀ ଉତ୍ସବରେ ବୀରମହାରାଜପୁର ବ୍ଲକ ଉପାଧ୍ୟାକ୍ଷ ନାରାୟଣ ଲୁହା , ସମାଜସେବୀ ସୂର୍ଯ୍ୟନାରାୟଣ ପଣ୍ଡା ପ୍ରମୁଖ ଅତିଥି ଭାବେ ଯୋଗଦେଇ ବିଜେତା କୁଡାପଡା ଏବଂ ଉପବିଜେତା ଲାତୁରପେଟ ଦଳକୁ ଟ୍ରଫି ସହ ପୁରସ୍କାର ପ୍ରଦାନ କରିଥିଲେ l ପୁରୁଷୋତମ ଭୋଇ , ଦିଲ୍ଲୀପ ମହାଳିକ , ଦୀପକ ମହାଳିକ , ସନତ ଭୋଇ ପ୍ରମୁଖ ସହଯୋଗ କରିଥିଲେ l
