ପାଳନ ହେଲା ପୁଅ ଜିଉନ୍ତିଆ:ପୁଅର ଶୁଭ ମନାସିଲେ ମା, ପଶ୍ଚିମ ଓଡିଶା ଉତ୍ସବ ମୁଖର


ସମ୍ବଲପୁର:ପଶ୍ଚିମ ଓଡିଶା ରେ ଆଜି ପବିତ୍ର ମୂଳାଷ୍ଟମୀ ବା ପୁଅ ଜିଉନ୍ତିଆ ବିଭିନ୍ନ ଅଞ୍ଚଳ ରେ ଭକ୍ତି ସହକାରେ ପାଳନ ହୋଇଛି ।
ଏହି ପରିପ୍ରେକ୍ଷିରେ ସମ୍ବଲପୁର ସମେତ ବରଗଡ଼, ଝାରସୁଗୁଡା, ଦେବଗଡ଼, ସୁବର୍ଣ୍ଣପୁର, ବଲାଙ୍ଗୀର, ବୌଦ୍ଧ ପ୍ରଭୂତି ଜିଲ୍ଲାର କୋଣ ଅନୁକୋଣରେ ପୁଅ ଜିଉଁତିଆ ପାଳିତ ହୋଇଛି। ବରଗଡ଼ ଶକ୍ତି ନଗର ୱାର୍ଡ଼ ନଂ ୧୧ ର କାଉନସିଲର ସୁନନ୍ଦା ପଣ୍ଡା ଙ୍କ ନେତୃତ୍ବରେ ପ୍ରାୟ ପଚାଶ ରୁ ଉର୍ଦ୍ଧ୍ବ ମାଁ ମାନେ ନିଷ୍ଠାର ସହିତ ଏହି ବ୍ରତ ପାଳନ କରି ଦୂତି ବାହନ ଙ୍କୁ ପୂଜା କରିଥିଲେ । ସନ୍ତାନ ପ୍ରାପ୍ତି ନିମନ୍ତେ ତଥା ନବବିବାହିତା ମାନେ ମଧ୍ୟ ଏହି ବ୍ରତ ନିଷ୍ଠା ର ସହିତ ପାଳନ କଲେ ସନ୍ତାନ ପ୍ରାପ୍ତି ହୋଇଥାଏ ବୋଲି ବିଶ୍ବାସ ରହିଛି ।
ସେହିପରି ୱାର୍ଡ ନଂ ୮ ଖଜୁରଟିକ୍ରା ସ୍ଥିତ ରାଧାରାଣୀ ବିହାର ଠାରେ କମଳା ଦାଶ ଙ୍କ ବାସଭବନରେ ପ୍ରାୟ ୩୦ ଜଣ ମାଁ ମାନେ ଏହି ବ୍ରତ ପାଳନ କରିଥିଲେ ।
ଶ୍ରଦ୍ଧା ଓ ବିଶ୍ବାସ ର ସହିତ ନିର୍ଜଳା ଉପବାସ ରହି ପୁତ୍ର କନ୍ୟା ଙ୍କ ସୁଭମନାସି ଏହି ବ୍ରତ ପାଳନ କରି ପୂଜା କରାଯାଇଥିବା ୧୦୮ ଦୂବ , ଅକ୍ଷତ ୧୦୮ ଅରୁଆ ଚାଉଳ ସହିତ ଫୁଲ ବେଲପତ୍ର ଆଦି ପୁତ୍ର କନ୍ୟା ମାନେ ନିରୋଗ ଓ ଦୀର୍ଘାୟୁ ହୁଅନ୍ତି ବୋଲି ପରଦିନ ସକାଳୁ ପୁତ୍ର କନ୍ୟା ମାନଙ୍କୁ ଆପାଦ ମସ୍ତକ ଛୁଆଁଇ ବ୍ରତ ସମାପନ କରି ପାଣି ତଥା ପ୍ରସାଦ ସେବନ କରିଥାନ୍ତି ।
ଏହି ବ୍ରତ ର ମହିମା କେଉଁ ଆବାହମାନ କାଳରୁ ବିଶ୍ବାସ ରହି ଆସିଛି ।
ଏହି ବ୍ରତ ରେ ଶକ୍ତି ନଗର ରେ ଶ୍ରୀମତୀ ବିଳାସିନୀ ଦାଶ, ସୁନନ୍ଦା ପଣ୍ଡା,ସୁପ୍ରୀୟା ଦାଶ, ଶ୍ବେତାଳିନା ପଣ୍ଡା, କଲ୍ପନା ପାଢ଼ୀ, ମମତା ଦାସ,ଲିପୁନ ସାହୁ,ଟିକି ଦାସ,ଜଲେ ବାରିକ, ଅଭିଲିପ୍ସା ପଣ୍ଡା, ସୁନନ୍ଦା କିସାନ ଆଦି ଯୋଗଦେଇଥିବା ବେଳେ ରାଧାରାଣୀ ବିହାରରେ ଅଞ୍ଜଳୀ ମିଶ୍ର,ମଧୂମିତା ପୁରୋହିତ, ଗାୟତ୍ରୀ ଦାଶ (ମୁନ୍ନୀ), ଜ୍ୟୋସ୍ନା ନାଥ,ଡଲୀ ବେହେରା,ସବିତା ହାତୀ, ସୁଚିତ୍ରା ବେହେରା, ମନ୍ଦାକିନୀ ବେହେରା, ସୁବଳୟା ହାତୀ,ଓ ଆହୁରି ଅନେକ ଉପବାସ ରହି ପୂଜାର୍ଚ୍ଚନା କରିଥିଲେ । ପଣ୍ଡିତ ଆନନ୍ଦ କୁମାର ତ୍ରିପାଠୀ ପୂଜା କାର୍ଯ୍ୟ ସମ୍ପାଦନ କରିଥିଲେ।ସେହିପରି ପଶ୍ଚିମ ଓଡିଶାର ବିଭିନ୍ନ ସ୍ଥାନରେ ପୁଅ ଜିଉଁନ୍ତିଆଁ ଖୁବ ଉତ୍ସାହ ଆନନ୍ଦର ସହିତ ସମାପିତ ହୋଇଛି। ଗତକାଲି ମା ମାନେ ନିର୍ଜଳା ଉପବାସ କରି ଆଜି ନିଜର ପୁତ୍ର ସନ୍ତାନ ମାନଙ୍କୁ ଦୁବ ଚଢ଼ାଇ ସେମାନଙ୍କ ମଙ୍ଗଳ କାମନା କରି ଶୁଭ ମନାସୀ ଥିଲେ। ଯେଉଁ ପରିବାରରେ ପୁତ୍ର ସନ୍ତାନ ନାହାନ୍ତି ସେହି ପରିବାର ନିଜର କନ୍ୟା ସନ୍ତାନକୁ ପୁଅର ମାନ୍ୟତା ଦେଇ ସୁଖମୟ ଓ ନିରୋଗ ଜୀବନ କାମନା କରି ସେମାନଙ୍କ ଶୁଭ ମନାସୀ ଥିବା ଦୃଷ୍ଟି ଗୋଚର ହୋଇଥିଲା।

ଗଜପତି ଜିଲ୍ଲାରେ ଆନ୍ଧ୍ର ଅଧିକାରୀମାନଙ୍କ ବେଆଇନ ପ୍ରବେଶକୁ ପ୍ରଶୟ ଦିଆଯିବ ନାହିଁ…. ଗଜପତି ଜିଲ୍ଲାପାଳ ପାରଳାଖେମୁଣ୍ଡି,୧୯/୭(ଗରୁଡ ଧ୍ୱଜ ଚୌଧୁରୀ) ଓଡ଼ିଶା ସୀମାରେ ଆନ୍ଧ୍ର ଅଧିକାରୀଙ୍କ ଅନୁପ୍ରବେଶ କରି ଓଡ଼ିଶାର 3 ଗୋଟି ଗାଁକୁ ଆନ୍ଧ୍ରର ବୋଲି ଦାବି କରିବା ବ୍ୟର୍ଥ ଉଦ୍ୟମକୁ କେବେ ବି ସଫଳ କରି ଦିଆଯିବନାହିଁ. ଓଡିଶା ତଥା ଗଜପତି ଜିଲ୍ଲାର ପରିସୀମା ମଧରେ ଆନ୍ଧ୍ର ଅଧିକାରୀଙ୍କ ବେଆଇନ ପ୍ରବେଶ ଓ ବିଭିନ୍ନ ମିଥ୍ୟା ଓ ବିଭ୍ରାନ୍ତିକର ମନ୍ତବ୍ୟକୁ କେବେ ବି ପ୍ରଶୟ ଦିଆ ଯିବନାହିଁ ବୋଲି ଗଜପତି ଜିଲ୍ଲାପାଳ ବିଜୟ କୁମାର ଦାସ ଦୃଢତାର ସହ ପ୍ରକାଶ କରିଛନ୍ତି.ଏହି ଘଟଣା ନେଇ ଗଜପତି ଜିଲ୍ଲା ପ୍ରଶାସନ ସମ୍ପୂର୍ଣ ଆକସନ୍ ମୁଡ୍‌ରେ ରହିଥ‌ିବା ଜଣାପଡ଼ିଛି। ଗଜପତି ଜିଲ୍ଲା ରାୟଗଡ଼ ବ୍ଲକ ଅଧୀନ ଗଙ୍ଗାବାଡ଼ ପଞ୍ଚାୟତର ମାଣିକପାଟଣା, ଆମରିଙ୍ଗି ଓ ବୁରୁସିଂ ଆଦି 3 ଗୋଟି ଗ୍ରାମକୁ ଗଜପତି ଜିଲ୍ଲାପାଳ ବିଜୟ କୁମାର ଦାସ ଓ ଆରକ୍ଷୀ ଅଧୀକ୍ଷକ ଯତୀନ୍ଦ୍ର ପଣ୍ଡା ପହଞ୍ଚି ଲୋକଙ୍କ ସହ ସାକ୍ଷାତ କରି ବିଭିନ୍ନ ବିଷୟରେ ଆଲୋଚନା କରିଛନ୍ତି। ଆନ୍ଧ୍ରର କୌଣସି ଅଧିକାରୀ ଆସିଲେ ଡରିବାର ନାହିଁ. ତୁରନ୍ତ ପ୍ରଶାସନକୁ ଜଣାଇବାକୁ ଜିଲ୍ଲାପାଳ ଗ୍ରାମବାସୀଙ୍କୁ କହିଛନ୍ତି. ଓଡ଼ିଶା ଜାଗା ଛାଡିବୁନି କି ଆନ୍ଧ୍ର ଜାଗା ମାଡ଼ିବୁ ନାହିଁ ବୋଲି ଜିଲ୍ଲାପାଳ ବିଜୟ କୁମାର ଦାସ ଗ୍ରାମବାସୀମାନଙ୍କୁ ଦୃଢତାର ସହ ପ୍ରକାଶ କରିଛନ୍ତି। ଏଥିସହ ମାଣିକପାଟଣାରେ ତିଆରି ହୋଇଥିବା ଆନ୍ଧ୍ରର ଅଙ୍ଗନବାଡ଼ି କେନ୍ଦ୍ରକୁ ବୁଲି ଦେଖୁବା ସହ ଉକ୍ତ କେନ୍ଦ୍ରର ସୀମା ଚିହ୍ନଟ ପାଇଁ ରାୟଗଡ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି। ସୀମାକୁ ନେଇ କୌଣସି ବିବାଦ ନାହିଁ ଉନ୍ନୟନ କାର୍ଯ୍ୟ ହୋଇଥିବା ଅଞ୍ଚଳ ଓଡ଼ିଶାର, ଓଡ଼ିଶା ସୀମା ଭିତରେ ହିଁ ରହିଛି. ଗତ କିଛି ଦିନ ତଳେ ପାରଳାଖେମୁଣ୍ଡି ଉପଜିଲ୍ଲାପାଳ ଏହି ଅଞ୍ଚଳ ଗସ୍ତ କରି ସମସ୍ତ ଅନୁଧ୍ୟାନ କରିବା ପରେ ଯେଉଁ ରିପୋର୍ଟ ପ୍ରଦାନ କରିଛନ୍ତି ଆନ୍ଧ୍ରର ଶ୍ରୀକାକୁଲମ ଜିଲ୍ଲାପାଳଙ୍କୁ ଚିଠି ଲେଖୁ ଜଣାଇ ଦିଆଯାଇଛି। ଏହି ଗସ୍ତ ସମୟରେ ସହକାରୀ ନିର୍ବାହୀ ଯନ୍ତ୍ରୀ ସିଦ୍ଧାର୍ଥ ଶଙ୍କର ତ୍ରିପାଠୀ, ସିଡିପିଓ ବି. କାମଳାଙ୍ଗୀ, ଏସ୍‌ ଡିପିଓ ମାଧବାନନ୍ଦ ନାୟକ, ଜିଲ୍ଲା ଶିକ୍ଷା ଅଧିକାରୀ ମାୟାଧର ସାହୁ, ଗାରାବନ୍ଧ ଥାନା ଅଧିକାରୀ ପ୍ରଶାନ୍ତ ନିଶିକା ପ୍ରମୁଖଙ୍କ ସହ କେତେଜଣ ପ୍ରଶାସନିକ ଅଧିକାରୀ ଏହି 3 ଗୋଟି ଗ୍ରାମକୁ ଉପଜିଲ୍ଲାପାଳଙ୍କ ସହ ଗସ୍ତ କରି ସମସ୍ତ ଅନୁଧ୍ୟାନ କରିଥିଲେ। ମୋଟାମୋଟି ଭାବେ ଏହି ସମସ୍ତ ଅଞ୍ଚଳ କେବଳ ଓଡିଶାର ଏବଂ ଗଜପତି ଜିଲ୍ଲା ଅଧୀନରେ ରହିଥିବା ସ୍ପଷ୍ଟ ହୋଇଯାଇଛି. ଆଗାମୀ ଦିନରେ କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନାରେ ଆହୁରି ଅନେକ ବିକାଶମୂଳକ ଜନ ହିତକର କାର୍ଯ୍ୟ କରାଯିବ. ତେଣୁ ଅଞ୍ଚଳବାସୀ ଆନ୍ଧ୍ରର କେତେକ ଅଧିକାରୀଙ୍କ ବିଭ୍ରାନ୍ତିମୂଳକ ଓ ଭୁଲ ତଥ୍ୟକୁ କୌଣସି ଭାବେ ଗୁରୁତ୍ୱ ନ ଦେଇ ଓଡିଶା ପ୍ରଶାସନର ବିଭିନ୍ନ ଉନ୍ନୟନମୂଳକ ଯୋଜନାରେ ନିଜ ନିଜକୁ ସାମିଲ କରି ଏହି ଅଞ୍ଚଳର ଉନ୍ନତି ଓ ବିକାଶ ପାଇଁ ସହଯୋଗ କରନ୍ତୁ ବୋଲି ଗଜପତି ଜିଲ୍ଲାପାଳ ବିଜୟ କୁମାର ଦାଶ ସମ୍ପୃକ୍ତ ଅଞ୍ଚଳବାସୀଙ୍କୁ ନିବେଦନ କରିଛନ୍ତି.