ସୌମିତ୍ରି ମେହେର3/10/2024 at 7:28 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ କୋଟସମଲାଇ ଠାରେ ରଘୁନାଥ ଯୁବକ ସଂଘ ଆନୁକୂଲ୍ୟରେ ସାର୍ବଜନୀନ ଦୁର୍ଗାପୂଜା ସୁବର୍ଣ୍ଣଜୟନ୍ତୀ ସମାରୋହ ଅବସରରେ ଆଜି ମାଁ ଦୁର୍ଗାଙ୍କ ନବରାତ୍ର ପୂଜା ଆରମ୍ଭ ହୋଇଯାଇଛି । ଏଥି ସହ ମାଁ ଦୁର୍ଗାଙ୍କ ପୂଜାର୍ଚ୍ଚନା , ସହସ୍ରାହୁତୀ , ଘୃତଯଞ୍ଜ , ଚଣ୍ଡିପାଠ , ହୋମ ଆରମ୍ଭ ହୋଇଯାଇଛି । ଗୁରୁବାର ମା ଦୁର୍ଗାଙ୍କ ପ୍ରାଣ ପ୍ରତିଷ୍ଠା କରାଯାଇ ୧୦୦୦ ଆହୁତି ଦିଆଯାଇଥିଲା । ଏଥିରେ ମୁଖ୍ୟ ପୂଜକ ଭାବରେ ପଣ୍ଡିତ ଦେବାର୍ଚ୍ଚନ ଦାଶ କାର୍ଯ୍ୟ ସମ୍ପାଦନ କରିଥିବା ବେଳେ ସହଯୋଗୀ ପୂଜକ ଭାବରେ ପଣ୍ଡିତ ଅର୍ଜୁନ ପଣ୍ଡା କାର୍ଯ୍ୟ ସମ୍ପାଦନ କରିଛନ୍ତି। ମାଁ ଙ୍କ ନବରାତ୍ର ପୂଜାର ପ୍ରଥମ ଦିନରେ କର୍ତ୍ତା ଭାବରେ ସତ୍ୟାନନ୍ଦ ମେଣ୍ଡିଲି ଓ ବେଦମତୀ ମେଣ୍ଡିଲି , ବୀରମିତ୍ର ପଧାନ ଓ ବେଦମତୀ ମେଣ୍ଡିଲି, ସନତ ପଧାନ ଓ ସ୍ନେହଲତା ପଧାନ କାର୍ଯ୍ୟ ତୁଲାଇଥିଲେ। ପୂଜା ପରିଚାଳନା କମିଟି ର ଚନ୍ଦନ ପାଢୀ, ବୀରମିତ୍ର ପଧାନ,ହର କର୍ମୀ, ସୁରେଶ ଅମାତ, କାର୍ତ୍ତିକ ବସ୍ତିଆ, ଦିଗପାଳ ମେଣ୍ଡିଲି, ଦୀନବନ୍ଧୁ କର୍ଣ୍ଣ , ଅଶୋକ ବାରକୁଟିଆ , ଦୀନବନ୍ଧୁ ବସ୍ତିଆ , ନେପାଳ ଖେତୀ , ବିଶିକେଶନ ବାଘ , ଦାଶରଥୀ ଦେହେରୀ , ପରମେଶ୍ବର ମେଣ୍ଡିଲି , ଶ୍ରୀତମ କର୍ମୀ ଉପସ୍ଥିତ ରହି ସହଯୋଗ କରିଥିଲେ । ହଜାର ହଜାର ଭକ୍ତ ମାଁ ଦୁର୍ଗାଙ୍କ ପ୍ରଭୁକୃପା ପାଇଁ ଦର୍ଶନ କରିଥିଲେ।