ସୌମିତ୍ରି ମେହେର4/10/2024 at 5:32 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କେନଝରିଆପାଲି ଗ୍ରାମପଂଚାୟତ ରେ ପବିତ୍ର ଗାନ୍ଧୀ ଜୟନ୍ତୀ ଓ ଲାଲବହାଦୁର ଶାସ୍ତ୍ରୀ ଜୟନ୍ତୀ ଉପଲକ୍ଷେ ଗ୍ରାମସଭା ଅନୁଷ୍ଠିତ ହୋଇଥିଲା। ଉକ୍ତ ଗ୍ରାମସଭା ରେ ଗ୍ରାମ ପଞ୍ଚାୟତର ବରିଷ୍ଠ ନାଗରିକ , ମହିଳା , ସ୍ଵେଚ୍ଛାସେବୀ ସଂଗଠନ ସଦସ୍ୟ , ସ୍ଵୟଂ ସହାୟକ ଗୋଷ୍ଠୀ ସଦସ୍ୟ/ସଦସ୍ୟା ସମସ୍ତ ସି ଆର ପି ,ଏମ ବି କେ ଓ ଗ୍ରାମପଞ୍ଚାୟତର ସମସ୍ତ କର୍ମଚାରୀ , ପି ଇ ଓ ଅକ୍ଷୟ ଭୋଇ ପ୍ରମୁଖ ଉପସ୍ଥିତ ଥିଲେ I ସ୍ଥାନିୟ ସରପଞ୍ଚ ଶ୍ରୀମତୀ ସସ୍ମିତା ଦୀପ ଉକ୍ତ କାର୍ଯ୍ୟକ୍ରମରେ ସଭାପତିତ୍ବ କରିଥିଲେ । ଏ ଡ଼ି ଇ ଓ ପ୍ରଶାନ୍ତ କୁମାର ପଣ୍ଡା ସ୍ବାଗତ ଭାଷଣ ପ୍ରଦାନ କରିଥିଲେ। ଅତିଥି ମାନଙ୍କ ଗହଣରେ ସରପଞ୍ଚ ଶ୍ରୀମତୀ ଦୀପ ମହାତ୍ମାଗାନ୍ଧୀ ଓ ଶାସ୍ତ୍ରୀ ଜୀ ଙ୍କ ଫୋଟୋ ଚିତ୍ରରେ ପୁଷ୍ପମାଲ୍ୟ ଓ ଧୂପ ଦୀପ ଦେଇ ସଭାକାର୍ଯ୍ୟ ଅରମ୍ଭ କରିଥିଲେ । ଏ ଡ଼ି ଇ ଓ ଶ୍ରୀ ପଣ୍ଡା ରାମଧୁନ ଗାନ କରିଥିଲେ । ଏ ଡ଼ି ଇ ଓ ପ୍ରଶାନ୍ତ କୁମାର ପଣ୍ଡା ଓ ସରପଞ୍ଚ ଶ୍ରୀମତୀ ଦୀପ ସଭା ର ମହତ୍ତ୍ଵ ଓ ଅଜି ଦିନରେ ଗ୍ରାମସଭା ଆୟୋଜନ ସମ୍ପର୍କରେ ଆଲୋକପାତ କରି ଅଭିଭାଷଣ ରଖିଥିଲେ ଓ ସ୍ବଚ୍ଛତା ଉପରେ ଆଧାରିତ ଶପଥ ପାଠ କାର୍ଯ୍ୟକ୍ରମ ହୋଇଥିଲା l ସଭାରେ ଉପସ୍ଥିତ ସମସ୍ତ ବ୍ୟକ୍ତି ଛିଡ଼ା ହୋଇ ସ୍ବଚ୍ଛତା ଶପଥ ପାଠ କରିଥିଲେ ।