ଶିକ୍ଷାରେ ଭାରତୀୟ ସମାବେଶର ଆବଶ୍ୟକତା ରହିଛି


ସମ୍ବଲପୁର:ଭାରତୀୟ ଶିକ୍ଷଣ ମଣ୍ଡଳ ଓଡିଶା ପଶ୍ଚିମ ପ୍ରାନ୍ତ, କେନ୍ଦ୍ରୀୟ ବିଶ୍ବବିଦ୍ୟାଳୟ ଓଡିଶା ଓ ଗଙ୍ଗାଧର ମେହେର ବିଶ୍ବବିଦ୍ୟାଳୟର ସଂଯୁକ୍ତ ଅଧିନରେ ଗଙ୍ଗାଧର ମେହେର ବିଶ୍ବବିଦ୍ୟାଳୟର ସମ୍ମିଳନୀ କକ୍ଷରେ ପ୍ରାନ୍ତ ସ୍ତରୀୟ ଶୋଧାର୍ଥୀ ସମ୍ମେଲନ ଅନୁଷ୍ଠିତ ହୋଇଥିଲା । ସମ୍ମେଳନରେ ମୁଖ୍ୟ ଅତିଥି ଭାବେ ପଞ୍ଜାବ କେନ୍ଦ୍ରୀୟ ବିଶ୍ବବିଦ୍ୟାଳୟର କୁଲପତି ପ୍ରଫେସର ଆର. ପି. ତିୱାରି, ମୁଖ୍ୟ ବକ୍ତା ଭାବେ ଭାରତୀୟ ଶିକ୍ଷଣ ମଣ୍ଡଳର ବ୍ରଜ ପ୍ରାନ୍ତର ଅଧ୍ୟକ୍ଷା ଡ଼. ପୂନମ ସିଂହ ଯୋଗ ଦେଇ ଥିଲେ। ମୁଖ୍ୟ ବକ୍ତା ଡ଼. ପୂନମ ସିଂହ କହିଲେ, “ଆମେ ଆମର ଶିକ୍ଷାରେ ଭାରତୀୟତାର ସମାବେଶ କରିବାକୁ ହେବ। ଯଦି ଆମେ ବିଶ୍ବଗୁରୁ ହେବାକୁ ଚାହୁଁଛୁ ତେବେ ଶିକ୍ଷାର ଭାରତୀୟକରଣ କରିବା ଆବଶ୍ୟକ।”
ତାଙ୍କର ଅଧ୍ୟକ୍ଷୀୟ ଉଦ୍ବୋଧନରେ ପ୍ରଫେସର . ଆର. କେ. ତିୱାରି କହିଲେ, “ଆମେ ସମସ୍ତେ ଭାରତୀୟ କୌଣସି ନା କୌଣସି ଦକ୍ଷତାରେ ପ୍ରବୀଣ ଥିଲୁ। ସେହି ଦକ୍ଷତା ଆମକୁ ଆର୍ଥିକ, ସାମାଜିକ ଓ ବୌଦ୍ଧିକ ଭାବେ ଶ୍ରେଷ୍ଠ କରିଥାନ୍ତି। କିନ୍ତୁ ପଶ୍ଚିମୀକରଣ ଆମର ସେହି ଦକ୍ଷତାକୁ ନଷ୍ଟ କରିଦେଇଛି। ଉନ୍ନତି ଓ ଅର୍ଥନୀତିର ସମସ୍ତ ସକାରାତ୍ମକ ସିଦ୍ଧାନ୍ତ ଆମର ସନାତନୀ ପରମ୍ପରାରେ ଉପଲବ୍ଧ ଅଛି। ଆଜି ଆବଶ୍ୟକତା ରହିଛି ଯେ ଆମେ ସବୁଠି ଆମର ସନାତନୀ ପରମ୍ପରାକୁ ଅନୁସରଣ କରିବା। ଏଭଳି କରିଲେ ଆମେ ପୁନଃ ସାମାଜିକ, ଆର୍ଥିକ ଓ ବୌଦ୍ଧିକ ଭାବେ ବିଶ୍ବଗୁରୁ ହୋଇପାରିବୁ।”
ଭାରତୀୟ ଶିକ୍ଷଣ ମଣ୍ଡଳ “ବିକସିତ ଭାରତ” ବିଷୟରେ ଛାତ୍ରଛାତ୍ରୀମାନେ ଓ ଶୋଧାର୍ଥୀମାନଙ୍କର ଶୋଧ ପତ୍ର ଆମନ୍ତ୍ରଣ କରିଥିଲେ।ଯେଉଁଗୁଡ଼ିକର ଉପସ୍ଥାପନା ବି ଯୋଗ୍ୟ ବିଶେଷଜ୍ଞମାନଙ୍କ ସମ୍ମୁଖରେ ହୋଇଥିଲା। ତଥା ପୁରସ୍କାର ବଣ୍ଟନ କାର୍ଯ୍ୟକ୍ରମ ବି ହୋଇଥିଲା। କାର୍ଯ୍ୟକ୍ରମରେ ମଞ୍ଚ ସଞ୍ଚାଳନ ଡ଼. ଦୟାନିଧି ପାଠକ କରିଥିଲେ। କାର୍ଯ୍ୟକ୍ରମରେ ଭାରତୀୟ ଶିକ୍ଷଣ ମଣ୍ଡଳର ବିସ୍ତାରକ ଡ଼. ଉମେଶ କୁମାର, ପ୍ରୋ. ରାମ ନରେଶ ମହାଳିଙ୍ଗ, ଶ୍ରୀ ସାଗର ସିଂହ, କେନ୍ଦ୍ରୀୟ ବିଶ୍ବବିଦ୍ୟାଳୟ ଝାରଖଣ୍ଡରୁ ଡ଼. ଅମୃତ, ମୌଲାନା ମଝରୁଲ୍ ହକ ବିଶ୍ବବିଦ୍ୟାଳୟ ପଟନାରୁ ଡ଼. ରଣଜିତ କୁମାର, ଓଡ଼ିଶା କେନ୍ଦ୍ରିତ ବିଶ୍ବବିଦ୍ୟାଳୟରୁ ଡ଼. ମନୋଜ, ଡ଼. ଶ୍ରୀକାନ୍ତ, ଡ଼. ଜଗନ୍ନାଥ ପାଢି, ଯୁବ ଆୟାମର ଡ଼. ଜସବିନ୍ଦର, ରଙ୍କମଣି ବାରିକ, ପ୍ରାନ୍ତ ମନ୍ତ୍ରୀ ଭାରତୀୟ ଶିକ୍ଷଣ ମଣ୍ଡଳ, ଓଡିଶା ପଶ୍ଚିମ ପ୍ରାନ୍ତ ସହିତ ଭାରତୀୟ ଶିକ୍ଷଣ ମଣ୍ଡଳର କାର୍ଯ୍ୟକର୍ତ୍ତାମାନେ ଓ ଗଙ୍ଗାଧର ମେହେର ବିଶ୍ବବିଦ୍ୟାଳୟର ଶିକ୍ଷକ ଓ ଛାତ୍ରଛାତ୍ରୀମାନେ ଉପସ୍ଥିତ ଥିଲେ।

ଗଜପତି ଜିଲ୍ଲାରେ ଆନ୍ଧ୍ର ଅଧିକାରୀମାନଙ୍କ ବେଆଇନ ପ୍ରବେଶକୁ ପ୍ରଶୟ ଦିଆଯିବ ନାହିଁ…. ଗଜପତି ଜିଲ୍ଲାପାଳ ପାରଳାଖେମୁଣ୍ଡି,୧୯/୭(ଗରୁଡ ଧ୍ୱଜ ଚୌଧୁରୀ) ଓଡ଼ିଶା ସୀମାରେ ଆନ୍ଧ୍ର ଅଧିକାରୀଙ୍କ ଅନୁପ୍ରବେଶ କରି ଓଡ଼ିଶାର 3 ଗୋଟି ଗାଁକୁ ଆନ୍ଧ୍ରର ବୋଲି ଦାବି କରିବା ବ୍ୟର୍ଥ ଉଦ୍ୟମକୁ କେବେ ବି ସଫଳ କରି ଦିଆଯିବନାହିଁ. ଓଡିଶା ତଥା ଗଜପତି ଜିଲ୍ଲାର ପରିସୀମା ମଧରେ ଆନ୍ଧ୍ର ଅଧିକାରୀଙ୍କ ବେଆଇନ ପ୍ରବେଶ ଓ ବିଭିନ୍ନ ମିଥ୍ୟା ଓ ବିଭ୍ରାନ୍ତିକର ମନ୍ତବ୍ୟକୁ କେବେ ବି ପ୍ରଶୟ ଦିଆ ଯିବନାହିଁ ବୋଲି ଗଜପତି ଜିଲ୍ଲାପାଳ ବିଜୟ କୁମାର ଦାସ ଦୃଢତାର ସହ ପ୍ରକାଶ କରିଛନ୍ତି.ଏହି ଘଟଣା ନେଇ ଗଜପତି ଜିଲ୍ଲା ପ୍ରଶାସନ ସମ୍ପୂର୍ଣ ଆକସନ୍ ମୁଡ୍‌ରେ ରହିଥ‌ିବା ଜଣାପଡ଼ିଛି। ଗଜପତି ଜିଲ୍ଲା ରାୟଗଡ଼ ବ୍ଲକ ଅଧୀନ ଗଙ୍ଗାବାଡ଼ ପଞ୍ଚାୟତର ମାଣିକପାଟଣା, ଆମରିଙ୍ଗି ଓ ବୁରୁସିଂ ଆଦି 3 ଗୋଟି ଗ୍ରାମକୁ ଗଜପତି ଜିଲ୍ଲାପାଳ ବିଜୟ କୁମାର ଦାସ ଓ ଆରକ୍ଷୀ ଅଧୀକ୍ଷକ ଯତୀନ୍ଦ୍ର ପଣ୍ଡା ପହଞ୍ଚି ଲୋକଙ୍କ ସହ ସାକ୍ଷାତ କରି ବିଭିନ୍ନ ବିଷୟରେ ଆଲୋଚନା କରିଛନ୍ତି। ଆନ୍ଧ୍ରର କୌଣସି ଅଧିକାରୀ ଆସିଲେ ଡରିବାର ନାହିଁ. ତୁରନ୍ତ ପ୍ରଶାସନକୁ ଜଣାଇବାକୁ ଜିଲ୍ଲାପାଳ ଗ୍ରାମବାସୀଙ୍କୁ କହିଛନ୍ତି. ଓଡ଼ିଶା ଜାଗା ଛାଡିବୁନି କି ଆନ୍ଧ୍ର ଜାଗା ମାଡ଼ିବୁ ନାହିଁ ବୋଲି ଜିଲ୍ଲାପାଳ ବିଜୟ କୁମାର ଦାସ ଗ୍ରାମବାସୀମାନଙ୍କୁ ଦୃଢତାର ସହ ପ୍ରକାଶ କରିଛନ୍ତି। ଏଥିସହ ମାଣିକପାଟଣାରେ ତିଆରି ହୋଇଥିବା ଆନ୍ଧ୍ରର ଅଙ୍ଗନବାଡ଼ି କେନ୍ଦ୍ରକୁ ବୁଲି ଦେଖୁବା ସହ ଉକ୍ତ କେନ୍ଦ୍ରର ସୀମା ଚିହ୍ନଟ ପାଇଁ ରାୟଗଡ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି। ସୀମାକୁ ନେଇ କୌଣସି ବିବାଦ ନାହିଁ ଉନ୍ନୟନ କାର୍ଯ୍ୟ ହୋଇଥିବା ଅଞ୍ଚଳ ଓଡ଼ିଶାର, ଓଡ଼ିଶା ସୀମା ଭିତରେ ହିଁ ରହିଛି. ଗତ କିଛି ଦିନ ତଳେ ପାରଳାଖେମୁଣ୍ଡି ଉପଜିଲ୍ଲାପାଳ ଏହି ଅଞ୍ଚଳ ଗସ୍ତ କରି ସମସ୍ତ ଅନୁଧ୍ୟାନ କରିବା ପରେ ଯେଉଁ ରିପୋର୍ଟ ପ୍ରଦାନ କରିଛନ୍ତି ଆନ୍ଧ୍ରର ଶ୍ରୀକାକୁଲମ ଜିଲ୍ଲାପାଳଙ୍କୁ ଚିଠି ଲେଖୁ ଜଣାଇ ଦିଆଯାଇଛି। ଏହି ଗସ୍ତ ସମୟରେ ସହକାରୀ ନିର୍ବାହୀ ଯନ୍ତ୍ରୀ ସିଦ୍ଧାର୍ଥ ଶଙ୍କର ତ୍ରିପାଠୀ, ସିଡିପିଓ ବି. କାମଳାଙ୍ଗୀ, ଏସ୍‌ ଡିପିଓ ମାଧବାନନ୍ଦ ନାୟକ, ଜିଲ୍ଲା ଶିକ୍ଷା ଅଧିକାରୀ ମାୟାଧର ସାହୁ, ଗାରାବନ୍ଧ ଥାନା ଅଧିକାରୀ ପ୍ରଶାନ୍ତ ନିଶିକା ପ୍ରମୁଖଙ୍କ ସହ କେତେଜଣ ପ୍ରଶାସନିକ ଅଧିକାରୀ ଏହି 3 ଗୋଟି ଗ୍ରାମକୁ ଉପଜିଲ୍ଲାପାଳଙ୍କ ସହ ଗସ୍ତ କରି ସମସ୍ତ ଅନୁଧ୍ୟାନ କରିଥିଲେ। ମୋଟାମୋଟି ଭାବେ ଏହି ସମସ୍ତ ଅଞ୍ଚଳ କେବଳ ଓଡିଶାର ଏବଂ ଗଜପତି ଜିଲ୍ଲା ଅଧୀନରେ ରହିଥିବା ସ୍ପଷ୍ଟ ହୋଇଯାଇଛି. ଆଗାମୀ ଦିନରେ କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନାରେ ଆହୁରି ଅନେକ ବିକାଶମୂଳକ ଜନ ହିତକର କାର୍ଯ୍ୟ କରାଯିବ. ତେଣୁ ଅଞ୍ଚଳବାସୀ ଆନ୍ଧ୍ରର କେତେକ ଅଧିକାରୀଙ୍କ ବିଭ୍ରାନ୍ତିମୂଳକ ଓ ଭୁଲ ତଥ୍ୟକୁ କୌଣସି ଭାବେ ଗୁରୁତ୍ୱ ନ ଦେଇ ଓଡିଶା ପ୍ରଶାସନର ବିଭିନ୍ନ ଉନ୍ନୟନମୂଳକ ଯୋଜନାରେ ନିଜ ନିଜକୁ ସାମିଲ କରି ଏହି ଅଞ୍ଚଳର ଉନ୍ନତି ଓ ବିକାଶ ପାଇଁ ସହଯୋଗ କରନ୍ତୁ ବୋଲି ଗଜପତି ଜିଲ୍ଲାପାଳ ବିଜୟ କୁମାର ଦାଶ ସମ୍ପୃକ୍ତ ଅଞ୍ଚଳବାସୀଙ୍କୁ ନିବେଦନ କରିଛନ୍ତି.