ରେଢ଼ାଖୋଲର ବିପର୍ଯ୍ୟସ୍ତ ସ୍ୱାସ୍ଥ୍ୟ ସେବା:ସ୍ୱାସ୍ଥ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ
ସମ୍ବଲପୁର: ରେଢାଖୋଲ ନିର୍ବାଚନ ମଣ୍ଡଳୀ ରେ ସ୍ବାସ୍ଥ୍ୟ ଅବସ୍ଥା ଅତି ଦୟନୀୟ ଅବସ୍ଥାରେ ରହିଛି I ସ୍ଥାନୀୟ ଅଧିବାସୀ ଙ୍କୁ ନାହିଁ ନ ଥିବା ଅସୁବିଧା ଭୋଗ କରିବାକୁ ପଡୁଛି I ଡାକ୍ତରଖାନା ରହିଛି ହେଲେ ପର୍ଯ୍ୟାପ୍ତ ପରିମାଣ ରେ ଡାକ୍ତର ,ସହାୟକ କର୍ମୀ ନାହାନ୍ତି I ଯଦ୍ୱାରା ଅନେକ ସମସ୍ୟା ଉତ୍ପନ ହେବାରେ ଲାଗିଛି I ଅଞ୍ଚଳର ରୋଗୀ ଙ୍କ ରୋଗ ନିରୀକ୍ଷଣ ପାଇଁ ଥିବା ବିଭିନ୍ନ ପ୍ରକାର ର ଯନ୍ତ୍ର ଅଚଳ ହୋଇ ରହିଛି I ସ୍ଥାନୀୟ ରୋଗୀ ରୋଗ ନିରୀକ୍ଷଣ କରିବା ପାଇଁ ସମ୍ବଲପୁର କୁ ଆସି ପରୀକ୍ଷା ନିରୀକ୍ଷା କରି ଅଯଥା ଖର୍ଚ୍ଚାନ୍ତ ମୁଣ୍ଡେଇ ଚାଲିଛନ୍ତି I ହସ୍ପିଟାଲ ଅବସ୍ଥା ସାଙ୍ଘାତିକ ଥିବାରୁ ନୂତନ କୋଠା ତିଆରି କରାଯାଇଛି ହେଲେ ଆଲୋକ ପାଇଁ ଲଗାଯାଇଥିବା ଲାଇନ ପୋଡ଼ି ଯାଇଛି I ତାର ମରାମତି ଆଜି ପର୍ଯ୍ୟନ୍ତ କରାଯାଉ ନାହିଁ I ନୂତନ ଯନ୍ତ୍ର ଗୁଡ଼ିକ ଆସିଛି ତାକୁ କାର୍ଯ୍ୟରେ ଲଗାଇବା ପାଇଁ କର୍ତ୍ତୃପକ୍ଷଙ୍କ ଆନ୍ତରିକତା ଅଭାବ ଦେଖାଯାଉଛି । ଲୋକଙ୍କ ଟିକସ ପଇସାରେ ଖର୍ଚ୍ଚ କରାଯାଇ ଲୋକଙ୍କ ସେବାରେ ଲାଗିବ ପାଇଁ ଆସିଥିବା ଯନ୍ତ୍ର ଖତ ଖାଉଛି I ଦେଶ ରେ ସ୍ୱଚ୍ଛ ଭାରତ ଅଭିଯାନ ଚାଲିଛି I ସବୁ ସ୍ତରରେ ସ୍ୱଚ୍ଛ କୁ ପ୍ରାଧାନ୍ୟ ଦେଇ ଚାଲିଥିବା ବେଳେ ଏଠାରେ ତାହା ପରିଲକ୍ଷିତ ନ ହେବା ଦୁଃଖର ବିଷୟ I ଏ ସବୁ ସମସ୍ୟା ରେ ସୁଧାର ଆଣିବାପାଇଁ ବାରମ୍ବାର କର୍ତ୍ତୃପକ୍ଷ ଙ୍କ ଦୃଷ୍ଟି ଆକର୍ଷଣ କରି ଆସୁଥିଲେ ମଧ୍ୟ ଲାଭ ହେଉନାହିଁ I ଏହି ମର୍ମ ରେ ରାଜ୍ୟ ସ୍ବାସ୍ଥ୍ୟ ମନ୍ତ୍ରୀ ଡ଼ଃ ମୁକେଶ ମହଲିଙ୍ଗ ଙ୍କୁ ବୁର୍ଲା ରେ ବିଜେପି ର ବରିଷ୍ଟ ନେତା ଗୋବିନ୍ଦ ଅଗ୍ରୱାଲ ସାକ୍ଷାତ୍ କରି ରେଢାଖୋଲ ଅଞ୍ଚଳର ଉପରୋକ୍ତ ନିମ୍ନମାନର ସ୍ବାସ୍ଥ୍ୟ ଅବସ୍ଥା କୁ ଗୁରୁତ୍ୱ ସହ ବିଚାର କରି ବିହୀତ ପଦକ୍ଷେପ ଗ୍ରହଣ କରିବାଏବଂ ଯଥାଶୀଘ୍ର ସମସ୍ୟାର ସମାଧାନ କରିବାକୁ ଦାବି କରିଛନ୍ତି।
