ଓଡ଼ିଶା ଡଟ୍ ନ୍ୟୁଜ୍9/10/2024 at 3:04 PM
ଖୋର୍ଦ୍ଧା: ଟ୍ରକ୍ ଚକାରେ ପମ୍ପ ଦେବା ବେଳେ ଫାଟିଲା ଏୟାର ପ୍ରେସର ଟାଙ୍କି । ଘଟଣାସ୍ଥଳରେ ଚାଲିଗଲା ଗ୍ୟାରେଜ ମିସ୍ତ୍ରୀଙ୍କ ଜୀବନ । ଦୁର୍ଘଟଣାରେ ୨ ଜଣ ଆହତ ହୋଇଛନ୍ତି । ଖୋର୍ଦ୍ଧା ଜିଲ୍ଲା ଦଧିମାଛଗାଡିଆ ଛକ ନିକଟରେ ଏହି ଅଘଟଣ ଘଟିଛି । ମୃତ ବ୍ୟକ୍ତି ଜଣଙ୍କ ହେଲେ ନବ କିଶୋର ବରାଳ । ଆହତ ଦ୍ୱୟଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଦଧିମାଛଗାଡିଆ ଛକ ନିକଟରେ ନବ କିଶୋରଙ୍କ ଗ୍ୟାରେଜ ରହିଛି । ଆଜି ସକାଳେ ନବ ଟ୍ରକ୍ ଚକାରେ ପମ୍ପ ଦେଉଥିଲେ । ଏହି ସମୟରେ ପ୍ରେସର ଟାଙ୍କିଟି ହଠାତ୍ ଫାଟି ଯାଇଥିଲା । ବିସ୍ଫୋରଣରେ ନବ କିଶୋରଙ୍କର ଗଣ୍ଡିମୁଣ୍ଡ ଅଲଗା ହୋଇଯାଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା ।
ଏୟାର ପ୍ରେସର ଟାଙ୍କି ଫାଟିବା ସମୟରେ ପାଖରେ ଥିବା ୨ ଜଣ ବ୍ୟକ୍ତି ମଧ୍ୟ ଆହତ ହୋଇଥିଲେ । ସେମାନଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସଦରଥାନା ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ କରୁଛି ।