କୁଚିଣ୍ଡାରେ କେନ୍ଦ୍ରୀୟ ସ୍କୁଲ ଖୋଲିବା ଓ ଶୈକ୍ଷିକ ସମସ୍ୟା ନେଇ ମନ୍ତ୍ରୀଙ୍କୁ ଦାବି ପତ୍ର
ସମ୍ବଲପୁର:ପଞ୍ଚାୟତରାଜ ମନ୍ତ୍ରୀ ରବି ନାରାୟଣ ନାଏକ କୁଚିଣ୍ଡା ବ୍ଲକ ର ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ଉଦଘାଟନ କରିବା ପରିପ୍ରେକ୍ଷୀରେ ଅର୍ଡ଼l ବାହାଲ ସ୍ଥିତ ବାଳିକା ଉଚ୍ଚ ମାଧ୍ୟମିକ ସ୍କୁଲ ର ପରିବର୍ଦ୍ଧିତ ଗୃହକୁ ଉଦଘାଟନ କରିଥିଲେ। ।ଏହି ଅବସରରେ ଛାତ୍ରୀ ମାନେ ଏକ ଦାବିପତ୍ର ପ୍ରଦାନ କରି ଏକ ଦୁଇ ଶହ ଶଯ୍ୟା ବିଶିଷ୍ଟ ଛାତ୍ରୀ ନିବାସ ସ୍ଥାପନ ପାଇଁ ଦାବି କରିଥିଲେ । ସେହିପରି ଭାବରେ ସ୍କୁଲ କର୍ତ୍ତୃପକ୍ଷ ଭିନ୍ନ ଏକ ଦାବିପତ୍ର ମାଧ୍ୟମରେ ସ୍କୁଲ ପରିସରରେ ସମସ୍ତ ଷ୍ଟାଫଙ୍କ କ୍ୱାଟର ନିର୍ମାଣ କରିବାକୁ ଅନୁରୋଧ କରାଯାଇଛି । ଅନୁରୂପ ଭାବରେ ଅଞ୍ଚଳ ବାସୀଙ୍କ ପକ୍ଷରୁ ଏହି ଅନୁଷ୍ଠାନ ଓ ଷଣ୍ଢ ପଥର ସ୍ଥିତ ଉଚ୍ଚ ମାଧ୍ୟମିକ ସ୍କୁଲ ରେ ଖାଲି ଥିବା ଅଧ୍ୟାପକ ଓ ଲେବୋରେଟାରି ପଦବୀ ପୂରଣ, ପ୍ରସ୍ତାବିତ ବାମରା ଓ ଜମନକିରା ଏକଲବ୍ୟ ସ୍କୁଲ କୁ ଆସନ୍ତା ବର୍ଷରୁ ହିଁ ଆରମ୍ଭ କରିବା, କୁଚିଣ୍ଡା ରେ କେନ୍ଦ୍ରୀୟ ସ୍କୁଲ ସ୍ଥାପନ କରିବାକୁ ଅବସର ପ୍ରାପ୍ତ ଅଧ୍ୟକ୍ଷ ସୁବାସ ଚନ୍ଦ୍ର ନାୟକ ଦାବିପତ୍ର ପ୍ରଦାନ କରି ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥଲେ।
