ରାଜାରାମ ଷଡଙ୍ଗୀ3/11/2024 at 4:49 PM
ସମ୍ବଲପୁର: ରାଜ୍ୟ ଉପମୁଖ୍ୟ ନିର୍ବାଚନ ଅଧିକାରୀ ତଥା ଉପସଚିବ ଡ. ଲକ୍ଷ୍ମୀ ପ୍ରସାଦ ସାହୁ ସମ୍ବଲପୁର ଗସ୍ତ କରି ଜିଲ୍ଲାର ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ କାର୍ଯ୍ୟକଳାପ ତଦାରଖ କରିଛନ୍ତି I ସେ ରେଙ୍ଗାଲି ବିଧାନସଭା ନିର୍ବାଚନ ମଣ୍ଡଳୀର ବୁଥ୍ ନମ୍ବର ୨୪,୨୫,୨୬,୪୨,୭୩,୭୪ ବୁଥ୍ ପରିଦର୍ଶନ କରିଥିଲେ I ପର୍ଯ୍ୟବେକ୍ଷକ ଓ ବୁଥ୍ ସ୍ତରୀୟ ଅଧିକାରୀଙ୍କ ଓରିଏଣ୍ଟେସନ୍ ପ୍ରଶିକ୍ଷଣ ଆୟୋଜନ କରିବା ସହ ନଭେମ୍ବର ୨, ୧୦, ୧୬ ଓ ୨୪ ତାରିଖରେ ୪ଟି ପର୍ଯ୍ୟାୟରେ ବୁଥ୍ ସ୍ତରୀୟ ଅଧିକାରୀଙ୍କୁ ନୂତନ ଭୋଟର୍ ପଞ୍ଜୀକରଣ, ଭୋଟର୍ କାର୍ଡରେ ସଂଶୋଧନ କରିବାକୁ ପରାମର୍ଶ ଦେଇଥିଲେ I ରେଙ୍ଗାଲି ବ୍ଲକ ଉନ୍ନୟନ ଅଧିକାରୀ ପ୍ରୀତମ କୁମାର ତନ୍ତୀ, ତହସିଲଦାର ରେଙ୍ଗାଲି ତକ୍ଷକ ରାଜ ଭିତ୍ରିଆ, ଉପଜିଲ୍ଲାପାଳ ସଞ୍ଜୀବ ମେହେର, ଉପଜିଲ୍ଲାପାଳ ଅଭିଷେକ କିଷାନ, ସହକାରୀ ଜିଲ୍ଲାପାଳ ସୁଶାନ୍ତ ନାୟକ ପ୍ରମୁଖ ଉପସ୍ଥିତ ଥିଲେ।