ରାଜାରାମ ଷଡଙ୍ଗୀ

3/11/2024 at 5:23 PM

ସମ୍ବଲପୁର: ପୁଣି ଥରେ ରାଉରକେଲା ସହର ଦେଇ ଯାଇଥିବା କୋଏଲ ନଦୀରେ ଗାଧୋଇବା ଅବସ୍ଥାରେ ଜଣେ ନାବାଳକ ଛାତ୍ର ନିଖୋଜ ହୋଇଛନ୍ତି।ରବିବାର ସହରର ସେକ୍ଟର-୧୯ ଥାନା ଅନ୍ତର୍ଗତ ହମିରପୁର ଘାଟ ନିକଟରେ ୪ଜଣ ବାଳକ ନାବାଳକ ଛାତ୍ର ଗାଧୋଇବାକୁ ଯାଇଥିଲେ୤ ଏହି ସମୟରେ ସମସ୍ତ ୪ଜଣଯାକ ବୁଡିଯାଉଥିବା ଦେଖିବାକୁ ମିଳିଥିଲା୤ ଏହାପରେ କିଛି ସ୍ଥାନୀୟ ଲୋକେ ବୁଡିଯାଉଥିବା ଛାତ୍ରଙ୍କ ମଧ୍ୟରୁ ୩ଜଣଙ୍କୁ ଜୀବନ୍ତ ଉଦ୍ଧାର କରିବାରେ ସମର୍ଥ ହୋଇଥିଲେ କିନ୍ତୁ ଜଣେ ଛାତ୍ର ନିଖୋଜ ହୋଇଯାଇଛି୤ ଘଟଣା ସମ୍ପର୍କରେ ସୂଚନା ପାଇବା ପରେ ଅଗ୍ନିସମ ବାହିନୀ ଏବଂ ସେକ୍ଟର-୧୯ ପୋଲିସ ପହଞ୍ଚିଥିଲେ୤ ଅଗ୍ନିଅମ ବାହିନୀ ପକ୍ଷରୁ ବିଖୋଜ ଛାତ୍ରଙ୍କୁ ଖୋଜାଖୋଜି କରାଯାଇଥିଲେ ମଧ୍ୟ ସଫଳତା ମିଳି ନଥିଲା୤ ଏହାପରେ ଓଡ୍ରାଫ୍‌ ଟିମ୍‌ର ବିଶେଷଜ୍ଞ ବୁଡ଼ାଳିଙ୍କୁ ନିଖୋଜ ଛାତ୍ରକୁ ଖୋଜିବା ନିମନ୍ତେ ନିୟୋଜିତକରାଯାଇଛି୤ ନିଖୋଜ ହୋଇଥିବା ଛାତ୍ର ନିକଟସ୍ଥ ସେକ୍ଟର-୨୦ ପମ୍ପ୍‌ ହାଉସ୍‌ ବସ୍ତିର ପଞ୍ଚମ ଶ୍ରେଣୀର ଛାତ୍ର ପ୍ରତୀକ ବାଡ଼ାଇକ୤ ଘଟଣା ସମ୍ପର୍କରେ ଜାଣିବା ପରେ ରଘୁନାଥପାଲ୍ଲୀ ବିଧାୟକ ଦୁର୍ଗାଚରଣ ତନ୍ତୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ସମ୍ପର୍କରେ ତଦାରଖକରୁଛନ୍ତି୤ ଏହି ଘଟଣା ସ୍ଥାନୀୟ ଅଞ୍ଚଳରେ ଆଲୋଚନାର ବିଷୟ ହୋଇଛି୤ ସୂଚନା ମୁତାବକ କୋଏଲ ନଦୀର ବିଭିନ୍ନ ଘାଟରେ ଗତ କିଛିବର୍ଷ ହେଲା ନିୟମିତ ବ୍ୟବଧାନରେ ନାବାଳକଙ୍କ ସମେତ ଯୁବକ ଏବଂ ଅନ୍ୟମାନଙ୍କର ଗାଧୋଇବା ସମୟରେ ବୁଡ଼ିଯିବା ଘଟଣା ଅନେକ ଥର ହୋଇସାରିଛି।