ଓଡ଼ିଶା ଡଟ୍ ନ୍ୟୁଜ୍

11/11/2024 at 1:05 PM

କଟକ: ନଦୀ ପଠାକୁ ଯାଇଥିବା ବେଳେ ପଗଳ ଷଣ୍ଢ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି । ମୃତ ବୃଦ୍ଧ ହେଲେ କଟକ ଜିଲ୍ଲା ବିଡାନାସୀ ଅଞ୍ଚଳର । ଭୁଆସୁଣୀ ନଦୀ ପଠାରେ ଘଟଣା ଘଟିଛି ।

ଆଜି ସକାଳେ ବୃଦ୍ଧ ଜଣଙ୍କ ଭୁଆସୁଣୀ ନଦୀ ପଠାକୁ ଯାଇଥିଲେ । ଏହି ସମୟରେ ସେ ପାଗଳ ଷଣ୍ଢ ହାବୁଡ଼ରେ ପଡ଼ିଯାଇଥିଲେ । ଷଣ୍ଢଟି ତାଙ୍କୁ ଆକ୍ରମଣ କରିଥିଲା । ବୃଦ୍ଧ ଜଣକ ତଳେ ପଡିଯାଇଥିବା ବେଳେ ଷଣ୍ଢଟି ନିଜ ଶିଙ୍ଗରେ ବାରମ୍ବାର ବାରମ୍ବାର ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ବୃଦ୍ଧଙ୍କର ମୃତ୍ୟୁ ଘଟିଥିଲା ।

ଖବର ପାଇ ବିଡାନାସୀ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଏଏସିବିକୁ ପଠାଇବା ସହ ଘଟଣାର ତଦନ୍ତ କରୁଛି । ସୂଚନାଯୋଗ୍ୟ, ଗତକାଲି ଷଣ୍ଢଟି ଏକାଧିକ ଲୋକଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ତୁରନ୍ତ ଷଣ୍ଢକୁ ଧରି ଅନ୍ୟତ୍ର ସ୍ଥାନାନ୍ତର କରିବାକୁ ଅଞ୍ଚଳବାସୀ ଦାବି କରିଛନ୍ତି ।