ରାଜାରାମ ଷଡଙ୍ଗୀ

21/11/2024 at 8:49 PM

ସମ୍ବଲପୁର: ସମ୍ବଲପୁର ହୀରାକୁଦ ପୋଲିସ ଦ୍ୱାରା ୨୪୦୦ ବୋତଲ ନିଶା କଫ ସିରଫ ଜବତ ହେବାସହ ଏହି ଘଟଣାରେ ୧୨ ଜଣଙ୍କୁ ଗିରଫ କରାଯାଇଛି l
ସମ୍ବଲପୁର ରେ କଫ ସିରଫ ଚାଲାଣ ହେବା ନେଇ ଆଜି ହୀରାକୁଦ ପୋଲିସ ଏକ ବିଶ୍ୱସ୍ତ ସୂତ୍ରରୁ ଖବର ପାଇଥିଲା l ହୀରାକୁଦ ଭଙ୍ଗାମୁଣ୍ଡା ସ୍ଥିତ ତିୱାରୀ ଢ଼ାବା ରେ ହୀରାକୁଦ ପୋଲିସ ଅତର୍କିତ ଚଢ଼ାଉ କରିଥିଲା l ଏହି ଚଢ଼ାଉ ସମୟରେ ୨୪୦୦ ସହ ନିଶା କଫ ସିରଫ ଜବତ କରିବା ସହ ଦୁଇଟି ବୋଲେରୋ ପିକଅପ ସହ ଏକ ସ୍କୁଟି ଜବତ କରିଥିଲା l ଏହି ମାମଲାରେ ୧୨ ଜଣଙ୍କୁ ପୋଲିସ ଗିରଫ କରିଛି l ଏହି ନିଶା କଫ ସିରଫ କଲିକତା ରୁ ଭୁବନେଶ୍ୱର ଦେଇ ସମ୍ବଲପୁର ଆସିଥିଲା l ପୁଣି ସମ୍ବଲପୁର ରୁ ଏହା ବରଗଡ଼ କୁ ଯାଇଥାନ୍ତା l ଗିରଫ ଅଭିଯୁକ୍ତ ମାନଙ୍କ ମଧ୍ୟରୁ ଅଧିକାଂଶ ଅଭିଯୁକ୍ତଙ୍କ ନାମରେ ବିଭିନ୍ନ ଥାନାରେ ମାମଲା ରହିଛି l ଜବତ କିଫସିରଫ ଆନୁମାନିକ ମୂଲ୍ୟ ପ୍ରାୟ ୮ ଲକ୍ଷ ହେବ ବୋଲି ସମ୍ବଲପୁର ଏସପି ସୂଚନା ଦେଇଛନ୍ତି l ଏହା ପୂର୍ବରୁ ଗତ ୧୭ ତାରିଖ ସମ୍ବଲପୁର ସଦର ପୋଲିସ ଦ୍ୱାରା ୨୨୭୨ ଟି ନିଶା କଫ ସିରଫ ଜବତ ହେବା ସହ ୨୦ ଜଣ ଗିରଫ ହୋଇଥିଲେ l ଏନେଇ ଆଜି ଉତ୍ତରଞ୍ଚଳ ଆଇଜିହିମାଂଶୁ ଲାଲ କହିଛନ୍ତି କୋରେକ୍ସ ଓ ଡ୍ରଗ୍ସ କୁ ନେଇ ସମ୍ବଲପୁର ପୋଲିସ ଏକ ସ୍ୱତନ୍ତ୍ର ଅଭିଯାନ ଆରମ୍ଭ ହୋଇଛି l ନିଶା କୁ ସମ୍ବଲପୁର ରୁ କିପରି ସବୁଦିନ ପାଇଁ କେମିତି ସମାପ୍ତ କରିହେବ ସେଥିପାଇଁ ସମ୍ବଲପୁର ଏସପି ମୁକେଶ ଭାମୁଙ୍କ ନେତୃତ୍ୱ ରେ ଏକ ଟିମ ଗଠନ କରାଯାଇଛି।ବିଭିନ୍ନ ବର୍ଗ ର ଲୋକଙ୍କୁ ନେଇ କମିଟି ଗଠନ କରାଯିବ। ସମସ୍ତେ ମିଳିମିଶି ଏହି ନିଶା କାରବାର କୁ ସମ୍ପୂର୍ଣ ବନ୍ଦ କରାଯିବ ବୋଲି ସେ କହିଛନ୍ତି।