ରାଜାରାମ ଷଡଙ୍ଗୀ

4/12/2024 at 5:57 PM

ସମ୍ୱଲପୁର: ସ୍ଥାନୀୟ ଅଇଁଠାପାଲି ପିଏଚଡ଼ି ପଡିଆ ଠାରେ ଶୀତ ମହୋତ୍ସବ ଉଦଘାଟିତ ହୋଇଯାଇଛି। ଓଡ଼ିଶା ସଙ୍ଗୀତ ନାଟକ ଏକାଡେ଼ମୀ ପୁରସ୍କାର ପ୍ରାପ୍ତ ତଥା ବିଶିଷ୍ଟ ସଂଗୀତଜ୍ଞ ଶଙ୍କର ପ୍ରଧାନ ଓ ସମାଜସେବୀ ନରସିଂହ ଅଗ୍ରୱାଲ ଯୋଗ ଦେଇ ଏହାର ଶୁଭ ଉଦଘାଟନ କରିଥିଲେ । ପ୍ରଥମେ ଇଷ୍ଟଦେବୀ ମାଁ ସମଲେଶ୍ଵରୀଙ୍କ ଭଜନ ଆଖି ବୁଜିଦେଲେ ଦିଶୁଛେ ମୋତେ ମାଁ ସମଲେଶ୍ଵରୀ କଣ୍ଠଶିଳ୍ପୀ ସ୍ଵସ୍ତିକା ହୋତା ଗାନ କରି ଦର୍ଶକଙ୍କୁ ବିମୋହିତ କରିଥିଲେ । ଏହାପରେ ସୁଧାଂଶୁ ଜାଲ, ସ୍ବାଗତ ମିଶ୍ର, ରାଜକୁମାର ଜାଲ, ଅଜୟ କୁମାର ନାଥ ପ୍ରମୁଖ ନିଜର କଣ୍ଠର ଯାଦୁ ଦେଖାଇଥିଲେ ।
ସେହିପରି ମୀମାଂସା ରଥ ଓ ଦଳ ସୁନ୍ଦର ପରିପାଟିରେ ଫେଶନ୍ ଶୋରେ ଚାଲିଥିଲେ । ବିଭିନ୍ନ କଣ୍ଠଶିଳ୍ପୀ ୯୦ ଦଶକର ଗୀତ ଗାନ କରିଥିଲେ । ଶୀତ ସତ୍ତ୍ୱେ ଦର୍ଶକ ମାନେ ଏସବୁ ସାଂସ୍କୃତିକ କାର୍ଯ୍ୟକ୍ରମ ମନଭରି ଉପଭୋଗ କରୁଥିଲେ।
ବାଦ୍ୟଯନ୍ତ୍ରରେ ଦେବାଶିଷ ପାଢ଼ୀ, ସୁବାସ ଭୋଇ, ଭାଗିରଥି ସିଂ ଦେଓ, ଶ୍ରୀକାନ୍ତ ନାୟକ, ଅମିର ମହାନନ୍ଦ ସହଯୋଗ କରିଥିଲେ । ରୋସନୀ ବାବୁ, ଅଞ୍ଜନ ପ୍ରଧାନ ଓ ଉମାଶଙ୍କର ଦାସ ମଞ୍ଚ ସଂଯୋଜନା କରିଥିଲେ। ଆୟୋଜକ କମିଟି ଅଧ୍ୟକ୍ଷ ମହମ୍ମଦ ପରଭେଜ ଅଲ୍ଲୀ ଖାନ୍, ସଂଯୋଜକ ତ୍ରିଲୋଚନ ତ୍ରିପାଠୀ, ଆବାହକ ହମିଦ ରହେମାନ୍, ସହ ଆବାହକ ଦେବାଶିଷ ପାଢ଼ୀ ଓ ରାମାସିସ ତ୍ରିପାଠୀ, ଗଣ ମାଧ୍ୟମ ସଂଯୋଜକ ସତ୍ୟଜିତ ମହାପାତ୍ର ମଞ୍ଚାସିନ ଥିଲେ । ସୂଚନାଯୋଗ୍ୟ, ଏହି ମହୋତ୍ସବ ଆସନ୍ତା ୧୦ ତାରିଖ ପର୍ଯ୍ୟନ୍ତ ଚାଲିବ। ପ୍ରତ୍ୟହ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ରହିଛି।