ହିଣ୍ଡାଲକୋ ହୀରାକୁଦରେ ବ୍ୟାପକ ବୃକ୍ଷରୋପଣ ଅଭିଯାନ ସହ ଜାତୀୟ ପ୍ରଦୂଷଣ ନିୟନ୍ତ୍ରଣ ଦିବସ ପାଳିତ

ରାଜାରାମ ଷଡଙ୍ଗୀ

ହିଣ୍ଡାଲକୋ ହୀରାକୁଦରେ ବ୍ୟାପକ ବୃକ୍ଷରୋପଣ ଅଭିଯାନ ସହ ଜାତୀୟ ପ୍ରଦୂଷଣ ନିୟନ୍ତ୍ରଣ ଦିବସ ପାଳିତ
ସମ୍ବଲପୁର:ଜାତୀୟ ପ୍ରଦୂଷଣ ନିୟନ୍ତ୍ରଣ ଦିବସ ୨୦୨୪ ପାଳନ ଅବସରରେ ହିଣ୍ଡାଲକୋ ହୀରାକୁଦଠାରେ ଏକ ବୃହତ ବୃକ୍ଷରୋପଣ ଅଭିଯାନ ଆରମ୍ଭ କରି ପରିବେଶ ରକ୍ଷଣାବେକ୍ଷଣ ଓ ପ୍ରଦୂଷଣ ନିୟନ୍ତ୍ରଣ ଉପରେ ଗୁରୁତ୍ୱ ାରୋପ କରିଛି । “ଏକ ପେଡ୍ ମା କେ ନାମ” ଅଭିଯାନର ଏକ ଅଂଶ ଥିଲା ଏହି ପଦକ୍ଷେପ
ଏହି ଅଭିଯାନରେ ବୁଢ଼ାକାଟI ଗ୍ରାମ ଠାରେ ବୃକ୍ଷରୋପଣ କରାଯାଇଥିଲା, ଯାହା ପରିବେଶ ସଂରକ୍ଷଣ ପାଇଁ ହିଣ୍ଡାଲକୋର ସାମୂହିକ ପ୍ରତିବଦ୍ଧତାକୁ ପ୍ରଦର୍ଶିତ କରିଥିଲା । ଏହି କାର୍ଯ୍ୟକ୍ରମରେ ପ୍ରଦୂଷଣ ର ମୁକାବିଲା ଏବଂ ସମସ୍ତଙ୍କ ପାଇଁ ସବୁଜ, ସୁସ୍ଥ ଭବିଷ୍ୟତ ସୁନିଶ୍ଚିତ କରିବାରେ ଉଭୟ ବ୍ୟକ୍ତି ଏବଂ ସମ୍ପ୍ରଦାୟର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରାଯାଇଥିଲା ।
ବୃକ୍ଷରୋପଣ କାର୍ଯ୍ୟକ୍ରମରେ ପ୍ଲାଣ୍ଟ ମୁଖ୍ୟ ସିପିପି ଅରୁଣ କୁମାର ସିଂହ, ପ୍ଲାଣ୍ଟ ମୁଖ୍ୟ ସ୍ମେଲଟର ପ୍ରତାପ ସାହୁ, ମାନବ ସମ୍ବଳ ମୁଖ୍ୟ ବିଶ୍ୱାସ ସିନ୍ଦେ, ରୂପାନ୍ତରଣ ମୁଖ୍ୟ ସନ୍ଦୀପ ସିଂହଙ୍କ ସମେତ ଅନ୍ୟ ବରିଷ୍ଠ ଅଧିକାରୀ ଓ କର୍ମଚାରୀମାନେ ଉପସ୍ଥିତ ଥିଲେ। ସେମାନଙ୍କର ଅଂଶଗ୍ରହଣ ସ୍ଥାୟୀତ୍ବ ଏବଂ ପରିବେଶ ପରିଚାଳନାକୁ ପ୍ରୋତ୍ସାହିତ କରିବା ପାଇଁ ହିଣ୍ଡାଲ୍କୋର ସମର୍ପଣକୁ ଦୃଢ଼ କରିଥିଲା ।
ପ୍ରତିବର୍ଷ ଡିସେମ୍ବର ୨ ତାରିଖରେ ପାଳନ କରାଯାଉଥିବା ଜାତୀୟ ପ୍ରଦୂଷଣ ନିୟନ୍ତ୍ରଣ ଦିବସ ଭୋପାଳ ଗ୍ୟାସ୍ ଟ୍ରାଜେଡିର ଏକ ଗମ୍ଭୀର ସ୍ମାରକୀ ଭାବରେ କାର୍ଯ୍ୟ କରେ ଏବଂ ଭବିଷ୍ୟତରେ ସମାନ ଶିଳ୍ପ ବିପର୍ଯ୍ୟୟକୁ ରୋକିବା ପାଇଁ ପ୍ରଭାବଶାଳୀ ପ୍ରଦୂଷଣ ନିୟନ୍ତ୍ରଣ ପଦକ୍ଷେପର ଜରୁରୀ ଆବଶ୍ୟକତା ଉପରେ ଗୁରୁତ୍ବ ଦିଆଯାଇଥିଲା।