ସୌମିତ୍ରି ମେହେର6/12/2024 at 2:14 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର – ସୁବଳୟା ମୁଖ୍ୟ ରାସ୍ତାର ଜଟେସିଂହା ସେତୁ ନିକଟରେ ଏକ କାର ରେ ନିଆଁ ଲାଗିଥିବା ଦେଖି ରାସ୍ତାରେ ଯିବା ଆସିବା କରୁଥିବା ଲୋକେ ଦମକଳବାହିନୀ କୁ ଖବର ଦେଇଥିଲେ I ଗୁରୁବାର ତୁରନ୍ତ ବୀରମହାରାଜପୁର ରୁ ଦମକଳବାହିନୀ ପହଂଚି ନିଆଁକୁ ଆୟତ୍ତ କରିଥିଲେ I ଘଟଣାରୁ ପ୍ରକାଶ ଯେ ଉକ୍ତ କlର ( ଓଡି. 23 ଏଲ୍. 6032)ଟି ଏକ ସାଇକେଲ ଆରୋହୀଙ୍କୁ ଧକ୍କା ଦେଇ ଦ୍ରୁତ ଗତିରେ ମୁଖ୍ୟ ରାସ୍ତା ଛାଡି ଆନନ୍ଦପୁର ରାସ୍ତାରେ ଫେରାର ମାରୁଥିବା ବେଳେ ଆନନ୍ଦପୁର ଗାଁ ମୁଣ୍ଡରେ କାରରେ ନିଆଁ ଲାଗି ଯାଇଥିଲା I ନିଆଁଲାଗି ଯିବାରୁ ଗାଡି ଚାଳକ ସହିତ ବସିଥିବା ଆରୋହି ଦୌଡ଼ି ଦୌଡ଼ି ପଳାଇ ଯାଇଥିଲେ I ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଉକ୍ତ କlର କୁ ଜବତ କରିବା ସହିତ ଏକ କେଶ ରୁଜୁ କରି ତଦନ୍ତ ଚଳାଇଛି l ସାଇକେଲ ଆରୋହୀ କୁ ମୁର୍ମୁଷୁ ଅବସ୍ଥାରେ ବୀରମହାରାଜପୁର ଉପଖଣ୍ଡ ଡାକ୍ତରଖାନା କୁ ନିଆଯାଇଥିବା ବେଳେ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବାରୁ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରାଯାଇଥିଲା I ସାଇକେଲ ଆରୋହୀ ବାଗବର ପଞ୍ଚାୟତ ଅନ୍ତର୍ଗତ କୁମରସିଂହl ଗାଁ ର ଜମିଦାର କହ୍ନର ବୋଲି ଜଣାପଡିଛି I