ସମ୍ବଲପୁର ହକି ପ୍ରତିଯୋଗିତା, ଗୋଲଡେନ କ୍ଲବ ଚାମ୍ପିଅନ
ସମ୍ବଲପୁର: ଯୁଯୁମୁରା ହକି ପ୍ରଶିକ୍ଷଣ କେନ୍ଦ୍ର ପରିସରରେ ଯୁଯୁମୁରା ସ୍ପୋର୍ଟସ ଷ୍ଟାର କ୍ଲବ ପକ୍ଷରୁ ଚାଲିଥିବା ତିନି ଦିନିଆ ସମ୍ୱଲପୁର ହକି ପ୍ରତିଯୋଗିତା ରବିବାର ଶେଷ ହୋଇଛି। ଫାଇନାଲ ମ୍ୟାଚରେ ବାଣ୍ଡିଝରଣ ଏ କୁ ହରାଇ ଆନନ୍ଦନଗର ଗୋଲଡେନ କ୍ଲବ ଚଳିତ ବର୍ଷର ଚାମ୍ପିଅନ ହୋଇଛି । ପୁରସ୍କାର ବିତରଣ କାର୍ଯ୍ୟକ୍ରମରେ ବିନୋଦ ଟପୋ, ଦେଓନିସ ଲୁଗୁନ, ଧରଣୀ ନାୟକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ବିଜେତା ଓ ଉପ ବିଜେତା ଦଳକୁ ପୁରସ୍କୃତ କରାଯାଇଥିଲା। ନିତେଶ କିଣ୍ଡୋ, ଦୀପକ ଧନୱର୍, କୁନା ଟପନୋ, ମୁନା ଟପନୋ, ଫିରୋଜ କୁଲୁ ପ୍ରମୁଖ ଖେଳ ପରିଚାଳନା କରିଥିଲେ। କ୍ଲବର ସମସ୍ତ କର୍ମକର୍ତ୍ତା ସହଯୋଗ କରିଥିଲେ।
