ରାଜାରାମ ଷଡଙ୍ଗୀ

17/12/2024 at 6:15 AM

ସମ୍ବଲପୁର:ସମ୍ବଲପୁର ସ୍ଥିତ ଚନ୍ଦ୍ର ଶେଖର ବେହେରା ଜିଲ୍ଲା ସ୍କୁଲର ୧୯୮୩ ସିନିଅର ବ୍ୟାଚ ଛାତ୍ର ମାନଙ୍କର ଏକ ବିଶେଷ ଶୀତକାଳୀନ ସମାବେଶ ବୁଢାରଜା ସ୍ଥିତ ରବୀନ୍ଦ୍ର କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି l ଏହି ଅବସରରେ ସମ୍ବଲପୁର ଠାରୁ ବାହାରେ ରହୁଥିବା ଅନେକ ଛାତ୍ର ଯୋଗ ଦେଇ ସ୍କୁଲ ତଥା ସହପାଠୀ ମାନଙ୍କର ବିଭିନ୍ନ ସମସ୍ୟା ବିଷୟରେ ମତାମତ ଦେଇଥିଲେ l
ପ୍ରଣାବ ଭୋଳ ଓ ବିମଲେଶ ପତି ଙ୍କର ତତ୍ୱାବଧାନ ରେ ଆୟୋଜିତ ଏହି ସମାବେଶ ରେ ସତ୍ୟଜିତ ରାଏ, ରାଜୀବ ଶତପଥି, ସଂଜୀବ ଦୁବେ, ସୂର୍ଯ୍ୟ ପାଣିଗ୍ରାହୀ, ଶେଖର ପାଢ଼ୀ,ଅରବିନ୍ଦ ନାୟକ ପ୍ରମୁଖ ଆଲୋଚନା ରେ ଅଂଶଗ୍ରହଣ କରି ସୁଚିନ୍ତିତ ମତାମତ ଦେଇଥିଲେ l
ଆସନ୍ତା ଜାନୁଆରୀ ୧୨ ତାରିଖ ଦିନ ହେବାକୁ ଥିବା ବାର୍ଷିକ ବନ୍ଧୁମିଳନ କାର୍ଯ୍ୟକ୍ରମ ବିଷୟରେ ମଧ୍ୟ ସବିଶେଷ ଆଲୋଚନା କରାଯାଇଥିଲା l
ଏହି ଅବସରରେ ଅନ୍ୟ ମାନଙ୍କ ମଧ୍ୟରେ ଭାରତ ପ୍ରଧାନ, ବଟ କିଶୋର ରାୟଗୁରୁ,ଅପ୍ରେସ ପୂଜାରୀ, ସୂର୍ଯ୍ୟ ପ୍ରଧାନ,ଅନିଲ ବେରିହା, ନିମେଇଁ ସାହୁ, ତପନ ଗୁରୁ, ସୁଶାନ୍ତ ସାହୁ, ମନୋରଞ୍ଜନ ପ୍ରଧାନ, ଅମ୍ବୁଜ ଦାସ ସହ ଅନେକ ସହପାଠୀ ଛାତ୍ର ସାମିଲ ହୋଇଥିଲେ।