ସୌମିତ୍ରି ମେହେର20/12/2024 at 6:53 AM
ବ୍ଲକ୍ ସ୍ତରୀୟ ଶିଶୁ ମହୋତ୍ସବ ଅନୁଷ୍ଠିତ
ବୀରମହାରାଜପୁର : (ସୌମିତ୍ରି ମେହେର)
ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ ଆନୁକୂଲ୍ୟରେ ଗାୟତ୍ରୀ ଆବାସିକ ଶିକ୍ଷା ନିକେତନ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପକଣ୍ଠ ଭଙ୍ଗାମୁଣ୍ଡା ଠାରେ ବ୍ଲକ୍ ସ୍ତରୀୟ ଶିଶୁ ମହୋତ୍ସବ ୨୦୨୪ ଅନୁଷ୍ଠିତ ହୋଇ ଯାଇଛି । ବିଦ୍ୟାଳୟ ର ପ୍ରଧାନ ଶିକ୍ଷକ ପଙ୍କଜ ଖମାରୀ ଙ୍କ ସଭାପତିତ୍ବରେ ଆୟୋଜିତ ଉଦ୍ଘାଟନୀ ସଭାରେ ଓଷ୍ଟାର ସଭାପତି ଅଖୋଜ ପଧାନ ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ପୂର୍ବତନ ସଂପାଦକ ତ୍ରିପୁରାରୀ ରଥ , ପୂର୍ବତନ ଶିକ୍ଷା ନିରୀକ୍ଷକ ଲକ୍ଷ୍ମଣ ଖମାରୀ ପ୍ରମୁଖ ସମ୍ମାନୀୟ ଅତିଥି ଭାବରେ ଯୋଗଦେଇ ଉଦ୍ବୋଧନ ଦେଇଥିଲେ । ଗୁରୁବାର ଉଦ୍ଯାପନୀ ସମାରୋହ ରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି , ସପ୍ତଦୀପା ସହିତ୍ୟ ସଂସଦର ସଭାପତି ଡ.ଦ୍ବିତୀକୃଷ୍ଣ ପଣ୍ଡା ମୁଖ୍ୟ ବକ୍ତା ଭାବରେ ଏବଂ ସମ୍ମାନିତ ଅତିଥି ଭାବେ ସାଂସଦ ନୋମିନି ନଳିନୀ ପଣ୍ଡା , ବୀରମହାରାଜପୁର ଓଷ୍ଟା ସଂପାଦକ ବ୍ରଜମୋହନ ବାରିକ୍ , ଓଷ୍ଟା ଜିଲ୍ଲା ସଂପାଦକ ସୁଶିଳ କୁମାର ବିଶି , ଓଷ୍ଟା ବିନିକା ସଂପାଦକ ବନପାଳ ପଣ୍ଡା ପ୍ରମୁଖ ମଞ୍ଚାସୀନ ଥିଲେ । ଉଲୁଣ୍ଡା ବ୍ଲକ୍ ସଂପାଦକ ପ୍ରହଲ୍ଲାଦ ସାହୁ ସ୍ବାଗତ କରିବା ସଙ୍ଗେ ସଙ୍ଗେ ସଂପାଦକୀୟ ବିବରଣୀ ପାଠ କରିଥିଲେ । ଶିକ୍ଷକ ଯୁଧିଷ୍ଠିର ଖମାରୀ ସଭା ସଂଯୋଜନା କରିଥିଲାବେଳେ ଶିକ୍ଷକ ରଣ ମୋହନ୍ ଭୋଇ ଧନ୍ୟବାଦ ଅର୍ପଣ କରିଥିଲେ । ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥବା ଛାତ୍ର ଛାତ୍ରୀ ମାନଙ୍କୁ ପୁରସ୍କାର ବିବରଣ କରା ଯାଇଥିଲା ।