ରାଜାରାମ ଷଡଙ୍ଗୀ22/12/2024 at 5:19 PM
ସମ୍ବଲପୁର:ସମ୍ବଲପୁର ସହର ଉପକଣ୍ଠ ଜମାଦାରପାଲି ବିମନ୍ ବନ୍ଦର ନିକଟରେ ରହିଥିବା ପାଣିପାଗ ବିଭାଗର କାର୍ଯ୍ୟଳୟ ରେ ଏକ ଅତ୍ୟାଧୁନିକ ଜ୍ଞାନ କୌଶଳ ଯୁକ୍ତ ଡଫ୍ଲର ରାଡ଼ାର ସ୍ଥାପନା ହେବାକୁ ଯାଉଛି । ଆସନ୍ତା ୨୨ ତାରିଖ ରେ ଓଡ଼ିଶା ସରକାରଙ୍କ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀଙ୍କ କରକମଳରେ ଏହି ଡଫ୍ଲର ପାଣିପାଗ ରାଡାର ସ୍ଥାପନାର ଶୁଭାରମ୍ଭ ହୋଇଛି । ଏଥିରେ ପୂର୍ବତନ ମନ୍ତ୍ରୀ ତଥା ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର, ରେଙ୍ଗାଲି ବିଧାୟକ ସୁଦର୍ଶନ ହରିପାଲ, ସମ୍ବଲପୁର ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦର୍ ତଥା ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ବିଶେଷ ଓ ବିଭାଗୀୟ ଉଚ୍ଚପଦସ୍ଥ ଅଧିକାରୀ ମାନେ ସାମିଲ ହୋଇଥଲେ । ପ୍ରାୟ ପାଞ୍ଚ କୋଟି ଟଙ୍କା ବ୍ୟୟରେ ନିର୍ମିତ ଏହି ଡଫ୍ଲର ପାଣିପାଗ ରାଡାର ସ୍ଥାପନା ଫଳରେ ଅଞ୍ଚଳରେ ପାଣିପାଗର ପୂର୍ବାନୁମାନ ଅଧିକ ସଠିକ୍ ଓ ତ୍ୱରିତ ହୋଇ ପାରିବ ବୋଲି ବିଶେଷଜ୍ଞ ମାନେ ମତ ଦେଇଛନ୍ତି । ଭୁବନେଶ୍ଵର ରୁ ଆସିଥିବା ପାଣିପାଗ ବିଭାଗ ର ବିଭାଗୀୟ ଅଧିକାରୀ ମାନେ କାର୍ଯ୍ୟକ୍ରମରେ ଉପସ୍ଥିତ ରହି ଏହି ଡଫ୍ଲର ପାଣିପାଗ ରାଡାର ସମ୍ପର୍କରେ ସବିଶେଷ ତଥ୍ୟ ଦେଇ ଡଫ୍ଲର ପାଣିପାଗ ରାଡାରର କାର୍ଯ୍ୟକାରିତା ବିଷୟରେ ଅବଗତ କରାଇବା ନେଇ ସୂଚନା ରହିଛି।