ସୌମିତ୍ରି ମେହେର5/01/2025 at 6:41 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ପିତାମହୁଲ ଗ୍ରାମପଞ୍ଚାୟତ ଅନ୍ତର୍ଗତ ଠାକୁରପୁର , ଗରିଆମୁଣ୍ଡା , କୁଞ୍ଜାମହୁଲ ଗ୍ରାମକୁ ବସ ଚଳାଚଳ ଦାବିରେ ଲକ୍ଷ୍ମୀ ବସକୁ ଅଟକ ରଖିଥିଲେ ମହିଳା ଗୋଷ୍ଠୀର ମା ମାନେ l ସୂଚନା ଅନୁସାରେ କୁଞ୍ଜାମହୁଲ ଗ୍ରାମରେ ଲକ୍ଷ୍ମୀ ବସ ଷ୍ଟାଣ୍ଡ ତିଆରି ହୋଇ ସାରି ଉଦଘାଟନ ମଧ୍ୟ ସରିଯାଇଛି l କୁଞ୍ଜାମହୁଲ ଗ୍ରାମକୁ ଗୋଟିଏ ସପ୍ତାହ ପାଇଁ ବସ ଚଳାଚଳ ହୋଇଥିଲା l ଯାହାଫଳରେ ଅଞ୍ଚଳର ମା ଭଉଣୀ ମାନଙ୍କ ମଧ୍ୟରେ ବେଶ ଖୁସିର ଲହରି ଦେଖିବାକୁ ମିଳିଥିଲା l ହେଲେ ବଡ଼ ଦୁଃଖର ବିଷୟ ଗୋଟିଏ ସପ୍ତାହ ଚଳାଚଳ ପରେ ପୁଣି ବସ ଚଳାଚଳ ବନ୍ଦ କରିଦିଆଯାଇଥିଲା l ମହିଳା ଗୋଷ୍ଠୀ ମା ମାନେ ତିନି ଚାରିଥର ବସକୁ ଅଟକ ରଖି ନିଜ ଅଞ୍ଚଳକୁ ବସ ଚଲେଇବା ପାଇଁ ଦାବି ଜଣେଇବା ପରେ ମଧ୍ୟ କୌଣସି ସୁଫଳ ମିଳି ନ ଥିଲା I ଫଳରେ ଅଚାନକ ଭାବରେ ଶନିବାର ଶତାଧିକ ମହିଳା ମା ଭଉଣୀମାନେ ଲକ୍ଷ୍ମୀ ବସକୁ ଅଟକ ରଖିଛନ୍ତି l ନିଜ ଅଞ୍ଚଳକୁ ବସ ଚଳାଚଳ ନ କରିବା ପର୍ଯ୍ୟନ୍ତ ବସକୁ ଅଟକ ରଖାଯିବ ବୋଲି ମହିଳା ମା ମାନେ ଜିଦରେ ଅଟଳ ଅଛନ୍ତି l ଘଟଣା ବିଷୟରେ ଖବର ପାଇ ସୁବଳୟା ଥାନା ଅଧିକାରୀ ସୁଶାନ୍ତ ପଧାନ ସଦଳ ବଳେ ପହଞ୍ଚି ସମସ୍ୟାର ସମାଧାନ କରିବା ପାଇଁ ବସ କର୍ମଚାରୀ, ଲକ୍ଷ୍ମୀ ବସ ପରିଦର୍ଶିକା ବୀରମହାରାଜପୁର ଓ ମହିଳା ମାନଙ୍କ ମଧ୍ୟରେ ଆଲୋଚନା କରିବାପରେ ବସକୁ ଛଡଗଲା l ଜାନୁଆରୀ ମାସ ଶେଷ ସୁଦ୍ଧା ବସ ଚଳାଚଳ କରାଯିବ ବୋଲି ବସ ପରିଦର୍ଶିକା ପ୍ରତିଶୃତି ଦେଇଛନ୍ତି l