ଓଡ଼ିଶା ଡଟ୍ ନ୍ୟୁଜ୍6/01/2025 at 12:03 PM
ଗଞ୍ଜାମ: ସରସ୍ବତୀ ଶିଶୁ ବିଦ୍ୟା ମନ୍ଦିରରେ ଚାଲିଥିଲା ବାର୍ଷିକ ଉତ୍ସବ । ସ୍କୁଲ ଭିତରହ ଓ ବାହାରେ ଲାଗିଥିଲା ଗହଳି । ଏହାରି ଭିତରେ ଦୁଇ ଜଣ ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ଏମିତି ଘଟଣା ଗତକାଲି ସନ୍ଧ୍ୟାରେ ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ସହର ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ଆଗରେ ଘଟିଛି । ଗୁରୁତର ଯୁବକ ଦ୍ବୟ ହେଲେ କବିସୂର୍ଯ୍ୟନଗର ନୂଆଁସାହିର ସମୀର ବିଶ୍ୱାଳ ଏବଂ ସତ୍ୟ ବିଶ୍ୱାଳ । ଉଭୟଙ୍କୁ କାହିଁକି ସଂଘବଦ୍ଧ ଆକ୍ରମଣ କରାଯାଇଛି ସେ ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ ।
ଉଭୟଙ୍କୁ ଗୁରୁତର ଅବସ୍ଥାରେ ପ୍ରଥମେ କବିସୂର୍ଯ୍ୟନଗର ମେଡିକାଲରେ ଭର୍ତ୍ତି କରାଯାଇଥିଲା l ସେଠାରେ ପ୍ରାଥମିକ ଚିକିତ୍ସା ପରେ ସେମାନଙ୍କୁ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି l ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି । ଏହାସହ ଅଭିଯୁକ୍ତମାନଙ୍କୁ ଧରିବାକୁ ବିଭିନ୍ନ ସ୍ଥାରେ ଚଢ଼ାଉ ଯାରି ରହିଛି ।