ଜାନୁୟାରୀ ୧୮ରୁ ୨୬ ପୁସ୍ତକ ମେଳା:ନସେତୁ ସହ ହାତ ମିଶାଇଲେ ନ୍ୟାସନାଲ୍ ବୁକ୍ ଟ୍ରଷ୍ଟ, ଭାରତ
ସମ୍ବଲପୁର:ନ୍ୟାସନାଲ୍ ବୁକ୍ ଟ୍ରଷ୍ଟ, ଭାରତ (ଏନବିଟି, ଭାରତ) ଦ୍ୱାରା ଆୟୋଜିତ ସମ୍ବଲପୁର ପୁସ୍ତକ ମେଳା ଆସନ୍ତା ଜାନୁୟାରୀ ୧୮ ତାରିଖରୁ ଦ୍ୱିତୀୟ ସଂସ୍କରଣ ଆରମ୍ଭ ହେବ।ଅଇଁଠାପାଲି ସ୍ଥିତ ପିଏଚଡି ପଡିଆରେ ଏହା ୨୬ତାରିଖ ପର୍ଯ୍ୟନ୍ତ ଚାଲିବ ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ଏନବିଟିନ ନିର୍ଦ୍ଦେଶକ ଯୁବରାଜ ମଲ୍ଲିକ ସୂଚନା ଦେଇଛନ୍ତି । ଏହାକୁ କେନ୍ଦ୍ରଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉଦଘାଟନ କରିବା କାର୍ଯ୍ୟକ୍ରମ ରହିଛି।
ଓଡ଼ିଶା ସରକାରର ଗ୍ରାମ ଉନ୍ନୟନ,ପଞ୍ଚାୟତି ରାଜ ଓ ପାନୀୟ ଜଳ ମନ୍ତ୍ରୀ ରବିନାରାୟଣ ନାଏକ ସମ୍ବଲପୁର ବିଧାୟକ ଜୟନାରାୟଣ ମିଶ୍ର, ରେଢ଼ାଖୋଲ ବିଧାୟକ ପ୍ରସନ୍ନ ଆଚାର୍ଯ୍ୟଓ ରେଙ୍ଗାଲି ବିଧାୟକ ସୁଦର୍ଶନ ହାରିପାଲ ଙ୍କ ସହିତ ବିଭିନ୍ନ ପ୍ରଶାସନିକ ଅଧିକାରୀ ଉଦଘାଟନୀ କାର୍ଯ୍ୟକ୍ରମରେ ଉପସ୍ଥିତ ରହିବେ।
ସମ୍ବଲପୁର ଏବଂ ଏହାର ଆଖ ପାଖ ଅଞ୍ଚଳ ଐତିହାସିକ ଗୁରୁତ୍ୱ, ପ୍ରାକୃତିକ ସୌନ୍ଦର୍ଯ୍ୟ, ସଂସ୍କୃତିକ ଐତିହ୍ୟ ଓ ସଂପ୍ରଦାୟଗତ ପରମ୍ପରାରେ ପ୍ରସିଦ୍ଧ। ଏନବିଟି ଏବଂ ସମ୍ବଲପୁରର ସୋସାଇଟି ଫର୍ ଏଡ୍ୟୁକେସନ୍, ଟ୍ରାଡିସନ୍ ଅଣ୍ଡ ୟୁନିଟି (ସେଟୁ) ଦ୍ୱାରା ଆୟୋଜିତ ସମ୍ବଲପୁର ବୁକ୍ ଫେୟାରର ଉଦ୍ଦେଶ୍ୟ ସହର ଏବଂ ଅଞ୍ଚଳର ଏହି ବିଶିଷ୍ଟ ଉଲ୍ଲେଖନୀୟ ବିଶେଷତାଗୁଡ଼ିକୁ ପ୍ରତିପାଦନ କରିବ ବୋଲି ସୂଚନା ଦିଆଯାଇଛି।
୨୦୦ରୁ ଅଧିକ ପ୍ରଦର୍ଶନୀ ଏବଂ ପ୍ରକାଶକଙ୍କ ପକ୍ଷରୁ ପୁସ୍ତକ ପ୍ରଦର୍ଶନ ସହିତ, ବୁକ୍ ଫେୟାରରେ ଭିଜିଟର୍ମାନଙ୍କ ପାଇଁ ସଂସ୍କୃତିକ ଓ ସାହିତ୍ୟ କାର୍ଯ୍ୟକ୍ରମ ଆୟୋଜିତ ହେଉଛି।
ଆଗାମୀ ୯ ଦିନ ଧରି, ଜଣାଶୁଣା ସାହିତ୍ୟିକ, କବି, ଲେଖକ, ଶିକ୍ଷାବିତ,ସାମ୍ବାଦିକ ତଥା କେନ୍ଦ୍ର ସାହିତ୍ୟ ଏକାଡେମି ପୁରସ୍କାର ପ୍ରାପ୍ତ ଲେଖକ ବଙ୍ଗାଳୀ ନନ୍ଦଙ୍କ ସମତେ ଅନେକ ଅତିଥି ଯୋଗ ଦେବେ। ସାହିତ୍ୟ କାର୍ଯ୍ୟକ୍ରମରେ ଲେଖକ ଓ କବି ଶତୃଘ୍ନ ପାଣ୍ଡବ, ଲେଖକ ଓ ଅନୁବାଦକ ମୁକ୍ତକାନ୍ତ ପ୍ରଧାନ, ବରିଷ୍ଠ ସାମ୍ବାଦିକ ଜତିନ୍ଦ୍ର ଦାଶ ଆଦି ଅଂଶଗ୍ରହଣ କରିବେ।
ବୁକ୍ ଫେୟାର କେବଳ ବୟସ୍କଙ୍କ ପାଇଁ ନୁହେଁ, ବରଂ ପିଲାଙ୍କ ପାଇଁ ବି ବହୁତ କାର୍ଯ୍ୟକ୍ରମ ଓ କାର୍ଯ୍ୟଶାଳା ଆୟୋଜିତ କରାଯାଇଛି.ଏହି ସମାରୋହରେ ପୋଷ୍ଟର ତିଆରି, ଉଚ୍ଚାରଣ, କଳା, ବ୍ୟର୍ଥ ଜିନିଷରୁ କୃତି ତିଆରି, କାହାଣି କହିବା, ମଣ୍ଡଳ କଳା ସହିତ ଆଉ ୨୦ରୁ ଅଧିକ କାର୍ଯ୍ୟକ୍ରମ ରହିଛି।
ଅନ୍ତର୍ଭୁକ୍ତ ସାହିତ୍ୟ ଓ ସାଂସ୍କୃତିକ କାର୍ଯ୍ୟକ୍ରମରେ ସମ୍ବଲପୁର ଅଞ୍ଚଳର ଐତିହ୍ୟ ପ୍ରତି ଗଭୀର ସମ୍ମାନ ଦେଇ ସଙ୍ଗୀତ ଏବଂ ସାଂସ୍କୃତିକ ପ୍ରଦର୍ଶନ ଆୟୋଜିତ ହେବ।ଗାୟକ ଶଶ୍ୱତ ତ୍ରିପାଠୀ, ରଞ୍ଜନ ସାହୁ, ଗାୟିକା ଏବଂ ଅଭିନେତ୍ରୀ ଦୀପ୍ତି ରେଖା ପାଢ଼ୀ ଏବଂ ଅସୀମା ପଣ୍ଡା ଆଦି ଅନେକ ଶିଳ୍ପୀଙ୍କ ପ୍ରଦର୍ଶନ ମଧ୍ୟ ରହିବ।
ସମ୍ବଲପୁର ବୁକ୍ ଫେୟାର ୧୮ ଜାନୁଆରୀରୁ ୨୬ ଜାନୁଆରୀ ୨୦୨୫ ପର୍ଯ୍ୟନ୍ତ ହେବ ଏବଂ ଏହା ଦିନକୁ ସକାଳ ୧୧ଟାରୁ ରାତି ୯ଟା ପର୍ଯ୍ୟନ୍ତ ସମସ୍ତ ପୁସ୍ତକ ପ୍ରେମୀଙ୍କ ପାଇଁ ଖୋଲା ରହିବ। ପ୍ରବେଶ ନିଶୁଳ୍କ ଏବଂ ପୁସ୍ତକ କ୍ରୟରେ ଅନ୍ୟତମ ୧୦% ରାହତ ମିଳିବ ବୋଲି ସୂଚନା ଦିଆଯାଇଛି।
