ରାଜାରାମ ଷଡଙ୍ଗୀ

30/01/2025 at 6:31 PM

ସମ୍ବଲପୁର:ସମ୍ବଲପୁର ଜିଲ୍ଲାର ଯୁଯୁମୁରା ବ୍ଲକ ଅନ୍ତର୍ଗତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ମେଘପାଳରେ ପ୍ରଥମ ବାର୍ଷିକ ଉତ୍ସବ “ଆଦ୍ୟମ” ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନଶିକ୍ଷକ ନିରଞ୍ଜନ ସେଠୀଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ବଡ଼ସାହିର ଉଚ୍ଚ ବିଦ୍ୟାଳୟର ଅବସରପ୍ରାପ୍ତ ପ୍ରଧାନଶିକ୍ଷକ ଯୁଗଳ କିଶୋର ନାୟକ ମୁଖ୍ୟ ଅତିଥି ,କିସିଣ୍ଡା ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଅରୁଣ କୁମାର ପ୍ରଧାନ ମୁଖ୍ୟବକ୍ତା , ସମ୍ମାନିତ ବକ୍ତା ଭାବରେ ଟାମ୍ପରଗଡ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଗଣନାଥ ନାୟକ ଯୋଗ ଦେଇଥିଲେ । ଏହି ଉତ୍ସବରେ ସମ୍ମାନିତ ଅତିଥି ଭାବରେ ମେଘପାଳ ପଞ୍ଚାୟତର ସରପଞ୍ଚ ଶ୍ରୀମତୀ ମମତା ପ୍ରଧାନ , ସମିତି ସଭ୍ୟା ଶ୍ରୀମତୀ ଲିଲିମା ଧରୁଆ , ବିଦ୍ୟାଳୟ ପରିଚାଳନା କମିଟିର ସଭାପତି ଅଭିମନ୍ୟୁ ମିର୍ଦ୍ଧା , ପଞ୍ଚସଖା ଶିକ୍ଷା ସେତୁର ସଭାପତି ମାନଭଞ୍ଜନ ବୁଡାଇକ୍ ଯୋଗ ଦେଇଥିଲେ । ସମଲେଶ୍ଵରୀଙ୍କ ନିକଟରେ ଦୀପ ପ୍ରଜ୍ବଳନ କରାଯାଇଥିଲା । ବିଦ୍ୟାଳୟର ସହକାରୀ ଶିକ୍ଷକ ଜାଗେଶ୍ବର ସା ବିବରଣୀ ପାଠ କରିଥିଲେ । ଏହା ପରେ ଅତିଥିମାନଙ୍କ ଅଭିଭାଷଣ ପରେ ସାଂସ୍କୃତିକ କାର୍ଯ୍ୟକ୍ରମମାନ ଆୟୋଜନ କରାଯାଇଥିଲା । ସୁଶିଲ କୁମାର ପ୍ରଧାନ , ନିବେଦିତା ବାର୍ତା , ଦେବାଶିଷ ପ୍ରଧାନ ,ପିଙ୍କି ନାୟକ , ବିନୋଦିନୀ ବେହେରା , ଚିନ୍ମୟୀ ଭୁଜ ଓ ସୀମାନ୍ତିନୀ ଭୋଇ ଆଦି ଶିକ୍ଷକ ଶିକ୍ଷୟିତ୍ରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ ଏବଂ କାର୍ଯ୍ୟକ୍ରମ ଶେଷରେ ସହକାରୀ ଶିକ୍ଷୟିତ୍ରୀ ସ୍ମରଣିକା ବାଗ ଧନ୍ୟବାଦ ଅର୍ପଣ କରିଥିଲେ।