ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ21/02/2025 at 7:52 AM
କୋଲକାତା: କୋଲକାତାର ଦୁର୍ଗାପୁର ଏକ୍ସପ୍ରେସୱେରେ ସୌରଭ ଗାଙ୍ଗୁଲିଙ୍କ କାର ଦୁର୍ଘଟଣାର ସମ୍ମୁଖୀନ ହୋଇଛି। ପୂର୍ବତନ କ୍ରିକେଟର ଏକ କାର୍ଯ୍ୟକ୍ରମରେ ଯୋଗଦେବାକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା। ତେବେ ଦୁର୍ଘଟଣାରୁ ସୌରଭ ଅଳ୍ପକେ ବର୍ତ୍ତି ଯାଇଛନ୍ତି। ଅଚାନକ ଏକ ଟ୍ରକ୍ ସାମ୍ନାକୁ ଆସିଯାଇଥିଲା। ଯାହା ଫଳରେ ଗାଡି ଡ୍ରାଇଭର ଜଣକ ଏମରଜେନ୍ସି ବ୍ରେକ୍ ଲଗାଇଥିଲେ। ଫଳରେ ପଛରୁ ଆସୁଥିବା ଅନେକ ଗାଡ଼ି ପରସ୍ପର ସହିତ ଧକ୍କା ହୋଇଥିଲା। ଏହାମଧ୍ୟରେ ଗାଙ୍ଗୁଲିଙ୍କ ଗାଡି ରହିଥିଲା।